وبلىس ەكٸمٸ ەبٸلقايىر سقاقوۆ پاۆلودار اكتيۆٸنە قالانىڭ جاڭا باسشىسىن تانىستىردى. ٶڭٸر باسشىسى قايرات نٷكەنوۆكە اتقارعان جۇمىسى ٷشٸن العىسىن بٸلدٸرٸپ, جاڭا ەكٸمنٸڭ الدىنا مٸندەتتەر قويدى, دەپ حابارلايدى "ۇلت اقپارات" پاۆلودار قالاسى ەكٸمٸنٸڭ باسپاسٶز قىزمەتٸنە سٸلتەمە جاساپ.
«باستى مٸندەتتەردٸڭ بٸرٸ – ەكونوميكالىق ٶسٸمدٸ قالپىنا كەلتٸرٸپ, بيزنەستٸڭ دامۋىنا جاعداي جاساۋ. پاۆلوداردا «جۇمىسپەن قامتۋدىڭ جول كارتاسى» باعدارلاماسى ٸسكە اسىرىلۋدا, ەربٸر جوبانىڭ ساپاسى مەن مەرزٸمٸن قاداعالاۋ قاجەت. سونداي-اق, تۇرعىن ٷي قۇرىلىسى, پەتەر يەلەرٸ كووپەراتيۆتەرٸنٸڭ جۇمىسى جەنە جىلىتۋ ماۋسىمىنا دايىندالۋعا بايلانىستى بٸرقاتار مٸندەت تۇر. تۇرعىن ٷي قۇرىلىسىنىڭ ناقتى, ستارتەگييالىق باعدارلاماسى قاجەت. بٸراق ەكٸمدٸك جۇمىسىنىڭ باستى كٶرسەتكٸشٸ – قالا تۇرعىندارىنىڭ قاناعاتتانۋى مەن تۇرعىنداردىڭ بيلٸككە دەگەن سەنٸمٸنٸڭ ارتۋى. قالا ەكٸمدٸگٸنە تۇرعىندارمەن تٸكەلەي ديالوگتى نىعايتۋ قاجەت», - دەدٸ وبلىس ەكٸمٸ.
ەرجان يمانٸسلەم 1972 جىلى پاۆلودار وبلىسىندا دٷنيەگە كەلگەن. 1991 جىلى كراسنوارمەيكا اۋىل شارۋاشىلىعى تەحنيكۋمىن (تەحنيك-مەحانيك), 2007 جىلى قازاق قۇقىقتانۋ جەنە حالىقارالىق قاتىناستار ينستيتۋتىن (قۇقىقتانۋ باكالاۆرى), 2014 جىلى يننوۆاتسييالىق ەۋرازييا ۋنيۆەرسيتەتٸن (ەكونوميكا جەنە بيزنەس باكالاۆرى) جەنە 2017 جىلى اباي مىرزاحمەتوۆ اتىنداعى كٶكشەتاۋ ۋنيۆەرسيتەتٸن (تاسىمالداۋدى ۇيىمداستىرۋ, قوزعالىس جەنە كٶلٸكتٸ پايدالانۋ سالاسىنداعى باكالاۆر; زاڭ عىلىمدارىنىڭ ماگيسترٸ) بٸتٸرگەن.
ەڭبەك جولىن 1987 جىلى قاشىر اۋدانى, كالينوۆكا اۋىلىنداعى قۇرىلىس ۋچاسكەسٸندە جۇمىسشى بولىپ باستاعان. تەحنيكۋمنان كەيٸن ەرجان يمانسلەم قاشىر كەنتٸندەگٸ قۇرىلىس ماتەريالدارى مەن كونسترۋكتسييالار كومبيناتىندا ۇستا-سانتەحنيك بولىپ جۇمىس ٸستەدٸ. شەكارا ەسكەرلەرٸندەگٸ قىزمەتتەن كەيٸن پاۆلودارداعى «ەنەرگوجيلستروي-1» قۇرىلىس باسقارماسىنىڭ مونتاجشىسى بولدى.
1994-2000 جىلدار ارالىعىندا ەرجان يمانٸسلەم قاشىر اۋدانىنىڭ ٸشكٸ ٸستەر بٶلٸمٸ مەن پروكۋراتۋراسىندا تٷرلٸ لاۋازىمداردا قىزمەت اتقاردى. 2005-2008 جىلدارى قاشىر اۋدانىنىڭ ەكٸمدٸگٸندە جۇمىس ٸستەدٸ, ونىڭ ٸشٸندە ەكٸم اپپاراتىنا باسشىلىق ەتتٸ. 2008 جىلدان 2011 جىلعا دەيٸن اقسۋ قالاسىنىڭ ەكٸمدٸگٸندە جۇمىس ٸستەدٸ, قالا ەكٸمٸنٸڭ ورىنباسارى بولدى.
2011-2013 جىلدار ارالىعىندا پاۆلودار ەكٸمٸ اپپاراتىنىڭ باسشىسى, 2013-2014 جىلدار ارالىعىندا پاۆلودار قالاسى ەكٸمٸنٸڭ ورىنباسارى قىزمەتتەرٸن اتقاردى.
2017 جىلعا دەيٸن سولتٷستٸك قازاقستان وبلىسىندا يندۋستريالدى-يننوۆاتسييالىق دامۋ باسقارماسىندا قىزمەت اتقاردى, سونداي-اق تايىنشا اۋدانىنىڭ ەكٸمٸ بولدى. 2020 جىلعى 27 شٸلدەدە پاۆلودار ەكٸمٸ بولىپ تاعايىندالعانعا دەيٸن قر يندۋسترييا جەنە ينفراقۇرىلىمدىق دامۋ مينيسترلٸگٸندە قىزمەت اتقاردى, ونىڭ ٸشٸندە ييدم كوميتەتٸنٸڭ ماشينا جاساۋ باسقارماسىن باسقاردى.
