الماتى قالاسى ەكٸمٸنٸڭ ورىنباسارى ەرجان باباقۇماروۆ بەينەكونفەرەنتسييا بايلانىس رەجيمٸندە ورتالىق قالالىق كلينيكالىق اۋرۋحانانىڭ ۇجىمىمەن كەزدەسۋ ٶتكٸزدٸ, دەپ حابارلايدى "ۇلت اقپارات".
كەزدەسۋگە دەنساۋلىق ساقتاۋ ۆيتسە-مينيسترٸ لەززات اقتاەۆا, سونداي-اق قالالىق قوعامدىق دەنساۋلىق باسقارماسى مەن تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىلارى, اۋرۋحانانىڭ باس دەرٸگەرٸ قاتىستى.
كەزدەسۋ كەزٸندە ناۋقاستار مەن اۋرۋحانا قىزمەتكەرلەرٸن ورنالاستىرۋدىڭ, قاۋٸپسٸزدٸكتٸڭ سانيتارلىق-ەپيدەميولوگييالىق شارالارىن ساقتاۋ احۋالى تالقىلاندى.
«بٸز قالالىق اۋرۋحانانىڭ دەرٸگەرلەرٸ مەن مەديتسينالىق قىزمەتكەرلەرٸن قانداي جاعداي الاڭداتاتىنىن, قالىپتاسقان جاعدايدى تٸكەلەي رەتتەپ, ورىن العان مەسەلەلەردٸ شەشۋ ٷشٸن بارلىق شارالاردى قابىلداۋ ماقساتىندا جينالىپ وتىرمىز», – دەدٸ ەرجان باباقۇماروۆ.
سونداي-اق, ول اۋرۋحانا ۇجىمىنا جۇقتىرۋ جاعدايلارىنا قاراماستان, سابىرلىق تانىتىپ, جاساعان جۇمىستارى ٷشٸن العىسىن بٸلدٸردٸ.
ونلاين رەجٸمدە حيرۋرگييا بٶلٸمٸنٸڭ مەڭگەرۋشٸسٸ ن. كەمەلحانوۆ, فيزيوتەراپييا بٶلٸمٸنٸڭ مەڭگەرۋشٸسٸ ا. تٶرەقۇلوۆا, نەۆرولوگييا بٶلٸمٸنٸڭ مەڭگەرۋشٸسٸ گ. قۇسايىنوۆا, رەانيماتسييا بٶلٸمٸنٸڭ مەڭگەرۋشٸسٸ گ. بەردالينا, تراۆماتولوگ-دەرٸگەر گ. ەگەموۆ پٸكٸر بٸلدٸردٸ.
كەزدەسۋ قورىتىندىسىندا قالا ەكٸمٸنٸڭ ورىنباسارى ەرجان باباقۇماروۆ كٶتەرٸلگەن مەسەلەلەردٸ شەشۋ بويىنشا بٸرقاتار ناقتى تاپسىرمالار بەردٸ.
ايتا كەتۋ كەرەك, الماتىدا كوروناۆيرۋس جۇقتىرعان مەديتسينا قىزمەتكەرلەرٸنٸڭ سانى 234 جەتكەن بولاتىن.
بٷگٸن جەدەل جەردەم قىزمەتٸنٸڭ تاعى 4 قىزمەتكەرٸنٸڭ تالداۋى وڭ نەتيجە كٶرسەتتٸ.
