مەجٸلٸس دەپۋتاتى ەرمۇرات باپي 2 سەۋٸردە ٶتكەن مەجٸلٸس وتىرىسىندا قازاقستان تۋىنا ارابشا جازۋ جازىپ سۋرەتكە تٷسكەن نيكابتاعى قىزداردىڭ ٸسٸنە قاتىستى قر باس پروكۋرورى بەرٸك اسىلوۆقا دەپۋتاتتىق ساۋال جولدادى. ول ساۋالىندا تۋ ۇستاعان تٶرت ەيەلدٸڭ ارتىندا تۇرعان كٷشتەردٸ, جالعان تۋدى دايىنداۋشىلاردى, ونى تاراتۋشىلاردى انىقتاپ, مۇنداي قاستاندىقتىڭ جولىن كەسۋ ٷشٸن, ۇيىمداستىرۋشىلارعا قاتاڭ جازا قولدانۋى تيٸس ەكەنٸن ايتتى دەپ حابارلايدى Ult.kz.
ول ۇلتىمىزدىڭ قاستەرلٸ مۇرالارىنا, مىڭداعان جىلدىق سالت-دەستٷرلەرٸمٸزگە شابۋىل تولاستاماي تۇر دەپ ەسەپتەيدٸ.
فوتو: مەجٸلٸس باسپاسٶز قىزمەتٸنەن
"مۇندا بٸزدٸڭ نازارىمىزدى اۋدارعان – كٶك تۋداعى اراب قارپٸندەگٸ جازۋدىڭ ٶتە ساپالى تٷردە, ارنايى باسپا قۇرالىمەن تاڭبالانۋى. دەمەك, بۇل – جاي عانا تۇرمىستىق بۇزاقىلىق, ەدەپسٸز شەكتەن شىعۋشىلىق قانا ەمەس. بۇل – بٸزدٸڭ قوعامىمىزعا, مەملەكەتتٸگٸمٸزگە, ۇلتتىق دەستٷرٸمٸز بەن بٸرەگەيلٸگٸمٸزگە جاسالعان اشىق جەنە ناقاق قارسىلىق", -دەيدٸ دەپۋتات باپي.
دەپۋتات ەلدٸڭ تۋىن بٷلدٸرۋ ارقىلى جات پيعىلدى دەرٸپتەمەك بولعان بۇل تٶرت قىز ەلدەبٸر ارانداتۋشى توپتىڭ قۇربانى بولۋى مٷمكٸن دەپ كٷدٸكتەنەدٸ.
"ولار جاستىق الاڭعاسىرلىقپەن, ەلدە ماتەريالدىق قىزىعۋشىلىقپەن نەمەسە دٸني ساۋاتسىزدىقپەن جاساعان بۇل ٶرەسكەل زاڭ بۇزۋشىلىقتىڭ تاساسىندا تۇرعان ەلدەبٸر كەرەعار كٷشتەر بار سيياقتى", -دەپ ەرمۇرات باپي: "ەكٸمشٸلٸك تۇرعىداعى جازاسىن العان تٶرت قىزدان بۇرىن, وسى قىلمىستى ەرەكەتتٸ ۇيىمداستىرۋشىلار جازاعا تارتىلۋى تيٸس", -دەپ ەسەپتەيدٸ.
دەپۋتات وسىنداي تٷر-تٷسٸ بۇرمالانعان قازاقستان تۋى Wildberries Russ ماركەتپلەيسٸندە 5000 مىڭ تەڭگەدەن ەركٸن جەنە اشىق ساۋدادا ساتىلىپ جاتقانىنا الاڭداۋشىلىق بٸلدٸرەدٸ.
سونىمەن قاتار, ەرمۇرات باپيدىڭ پٸكٸرٸنشە بۇل وقيعانىڭ ارانداتۋشىلىق مازمۇنى مەن مەملەكەتتٸك تۋدىڭ بەتٸندە قولدانىلعان سيمۆوليكانىڭ سيپاتى – ونىڭ الدىن الا جوسپارلانعانىن, ەلدەبٸر توپتىڭ ناقاق ۇيىمداستىرعانىن كٶرسەتەدٸ.
"بۇعان كٸم تاپسىرىس بەردٸ? ۇيىمداستىرۋشىلاردىڭ ماقساتى قانداي? بۇل سۇراقتارعا قۇقىق قورعاۋ ورگاندارى ناقتى جاۋاپ بەرۋٸ تيٸس! مۇنداي ارانداتۋشىلىقتىڭ قايتالانۋىنا جول بەرمەۋ ٷشٸن تەرگەۋ-تەكسەرۋ شاراسى جان-جاقتى جٷرگٸزٸلۋٸ قاجەت", -دەپ ايتقان دەپۋتات جاۋاپتى مەكەمەلەر كەلەسٸ شارالاردى شۇعىل قولعا الۋ كەرەك دەدٸ.
1. قولدانىستاعى زاڭناماعا سەيكەس, قۇقىق قورعاۋ ورگاندارى ورىن العان جاعدايدى جٸتٸ تەكسەرٸپ, ارانداتۋشىلىققا الدانعان تٶرت ەيەلدٸڭ ارتىندا تۇرعان كٷشتەردٸ, جالعان تۋدى دايىنداۋشىلاردى, ونى تاراتۋشىلاردى انىقتاپ, مۇنداي قاستاندىقتىڭ جولىن كەسۋ ٷشٸن, ۇيىمداستىرۋشىلارعا قاتاڭ جازا قولدانۋى تيٸس!
2. بەكٸتٸلگەن ستاندارتقا سەيكەس كەلمەيتٸن, رەسمي سيپاتى بۇرمالانعان مەملەكەتتٸك رەمٸزدٸ ساتۋعا شىعارعان ساۋدا ورىندارىنىڭ باسشىلىعىن جاۋاپقا تارتۋ كەرەك. ساتىلىپ كەتكەن تۋلاردى جيناپ الىپ, جويۋ قاجەت!
سونداي-اق, تيٸستٸ زاڭناماعا مەملەكەتتٸلٸگٸمٸزدٸ مانسۇقتايتىن, قوعامدى جٸككە بٶلۋدٸ كٶزدەيتٸن تاۋارلار ساتقان جەكەلەگەن ماركەتپلەيستەرگە قارسى سانكتسييا سالۋدى كٶزدەيتٸن تٷزەتۋلەر ەزٸرلەپ, ونى زاڭ نورماسىنا ەنگٸزۋ كەرەك.
3. مەملەكەت راديكالدى اعىمداردىڭ ٶرەسكەل ەرەكەتتەرٸنە باقىلاۋدى كٷشەيتٸپ, دٸني قۇندىلىقتاردى بۇرمالاۋعا قارسى شارالاردى قاتاڭداتۋ قاجەت. ۇلتتىق بٸرەگەيلٸكتٸ قورعاۋدىڭ جٷيەلٸ جەنە جالپىعا ورتاق ساياساتىن قالىپتاستىراتىن ۋاقىت جەتتٸ!
5. زايىرلى بٸلٸم بەرۋ جٷيەسٸن نىعايتۋدى, ورتا مەكتەپتەردەگٸ دٸنتانۋ ساباقتارىن ۇلتتىق مۇرالار نەگٸزٸندە جٷرگٸزۋ باعدارلاماسى دايىندالۋى كەرەك!
سونىمەن قاتار, تيٸستٸ ۋەكٸلەتتٸ مەملەكەتتٸك ورگاندار ۇلتتىق مەدەنيەتتٸ دامىتۋ, دەستٷرلٸ كيٸم كييۋ باستامالارىن قولداۋ جەنە جاستار اراسىندا كەڭ كٶلەمدە تٷسٸندٸرۋ جۇمىستارىن جٷرگٸزۋٸ قاجەت.
