بٸزدە شەنەۋنٸكتەر حالىققا قارسى جۇمىس جاسايدى. مەن بٸزدٸڭ سوتتارعا سەنبەيمٸن. مەن بٸزدٸڭ دەرٸگەرلەرگە سەنبەيمٸن. مەن بٸزدٸڭ زاڭ ورىندارىنا سەنبەيمٸن. بەرٸ ساتىلادى, بەرٸ ساتىپ الىنادى. سوقىر ەمەسپٸن, كٶرٸپ, ەستٸپ جٷرمٸن. مەن ٶز فيلمدەرٸمدٸ, كٸتاپتارىمدى ناسيحاتتاۋ ٷشٸن ەل ٸشٸن ارالايمىن, حالىقپەن كٶپ سٶيلەسەمٸن. قاي ٶڭٸرگە بارسامدا بٸر سارىن. ەلدەن مازا كەتكەن. ٸشتەي كٷيزەلٸپ, تٷيٸلٸپ جٷر. شاراسىزدىق بار, شامىرقانۋ بار. ولاردىڭ ۋىسىنان ٷمٸتتٸڭ سوڭعى جٸبٸ سۋسىپ بارادى. مەنٸڭ بۇنى ويدان شىعارىپ, جاعدايدى ۋشىقتىرماق نيەتٸم جوق. بار بولعانى فاكتٸلەردٸ تٸزٸپ وتىرمىن.
جيىرما جىلدىڭ ٸشٸندە دٷبەرا بۋىن ٶستٸ. مەكتەپتە بٸلٸم ناشار. جوو – مٷلدەم جوق. ول وقۋ ورىنىن امان-ەسەن بٸتٸرٸپ شىققاننىڭ ٶزٸندە ماماندىعىڭ بويىنشا جاقسى جۇمىسقا تۇرارىڭا ەش كەپٸلدٸك جوق. بارلىق جەردە «بارماق باستى, كٶز قىستى», تۋىسقانشىلدىق, جەرشٸلدٸك. تانىسىڭ بولماسا قۇجاتىڭدى قۇشاقتاپ بوس جٷرەسٸڭ. امالسىز پارا بەرۋٸڭە تۋرا كەلەدٸ. سەنٸڭ قارىم-قابٸلەتٸڭ, بٸلٸمٸڭ ەشكٸمگە كەرەك ەمەس. بايىپپەن قاراساڭ بٸز ٶز بولاشاعىمىزدىڭ كٶرٸن ٶز قولىمىزبەن قازىپ جاتىرمىز. وعان تٷبٸندە ٶزٸمٸز دە قۇلايمىز. سٶيتٸپ مەملەكەتٸمٸزدەن ايىرىلامىز.
قازاقتار «باستى بايلىق – دەنساۋلىق» دەگەندٸ جيٸ ايتادى. مەنٸڭ ويىمشا بٸزگە وسى دەننٸڭ ساۋلىعى جەتٸسپەيدٸ. ماعىناسى ٶتە كەڭ سٶز عوي... بٸزدٸڭ مورالدىق, اقىل-وي, دٸني, رۋحاني, ساياسي, ت.ب. ساۋلىعىمىز كٷمەن تۋدىرادى. اعزامىز دەرتكە شالدىققان. ٶزەگٸنە تٷسكەن قۇرتتار كەمٸرٸپ, جەپ جاتىر. سوندىقتان ٸشٸمٸز الاي-تٷلەي, مازامىز قاشقان.
ەل ارالاپ جٷرگەندە تاعى نەگە كٶزٸم جەتتٸ? بٸز قوجايىن بولۋدىن قالىپپىز, بٸز – قىزمەتشٸمٸز.
وسى شەنەۋنٸك دەگەنٸمٸز كٸمدەر? ولار حالىق جالداعان مەنەدجەرلەر. ەڭبەكپەن قامتۋ اگەنتتٸگٸ ەمەس, حالىق جالداعان! سوندىقتان ولار ەلدٸڭ مٷددەسٸ ٷشٸن قىزمەت ەتۋلەرٸ كەرەك. ال بٸزدە بەرٸ باسقاشا – حالىققا قارسى جۇمىس ٸستەيدٸ. ەرەكەتتەرٸ تىم دٶرەكٸ. سودان بارىپ جۇرت نارازىلىق بٸلدٸرۋدە. باسقا نە كٷتٸپ ەدٸڭ? بۇل – بالاسىنىڭ قولىنا ويىنشىق-قوڭىراۋ ۇستاتىپ قويىپ, ٶزٸ ۇيىقتاپ الماق بولعان ەۋمەسەردٸڭ تٸرلٸگٸ عوي...
ەرمەك تۇرسىنوۆ
اۋدارعان سەرٸك ەبٸكەن
دەرەككٶزٸ: ratel.kz
.jpg)