اقمولا وبلىسىنىڭ ەكٸمٸ ەرمەك مارجىقپاەۆ شورتاندى كەنتٸندە گاز باللونىنىڭ جارىلۋى سالدارىنان قازا تاپقاندار مەن زارداپ شەككەندەردٸڭ وتباسىلارىنا قانداي كٶمەك كٶرسەتٸلەتٸن ايتتى, دەپ حابارلايدى قازاقپارات.
«بٸز وسى قايعىلى وقيعا تۋرالى ەستٸگەن بويدا كٶكشەتاۋدان شورتاندىعا جەدەل جەتتٸك. گاز باللونىنىڭ جارىلۋى ورىن الىپ, 13 ادام زارداپ شەكتٸ. ٶكٸنٸشكە وراي, بەس ادام كٶز جۇمدى, ولاردىڭ ٸشٸندە ٷش بالا بار. زارداپ شەككەندەر نۇر-سۇلتان اۋرۋحانالارىنا جەتكٸزٸلدٸ. بٷگٸندە التى ادام مەديتسينالىق كٶمەك الۋدا», - دەدٸ ەرمەك مارجىقپاەۆ ورتالىق كوممۋنيكاتسييالار قىزمەتٸنٸڭ كٶشپەلٸ باسپاسٶز مەسليحاتى بارىسىندا جۋرناليستەردٸڭ قويعان سۇراقتارىنا جاۋاپ بەرۋ كەزٸندە.
ٶز سٶزٸندە, ايماق باسشىسى جەدەل شتاب قۇرىلعانىن ەسكە سالدى.
«بٸرٸنشٸدەن, زارداپ شەككەندەردٸ شۇعىل نۇر-سۇلتانداعى بٸرٸنشٸ, ەكٸنشٸ قالالىق اۋرۋحانالارعا جاتقىزۋ كەرەك بولدى. وسى رەتتە, دەنساۋلىق ساقتاۋ مينيسترلٸگٸنە, نۇر-سۇلتان قالاسىنىڭ ەكٸمدٸگٸنە ٷلكەن راحمەت. ولار بٸزدٸڭ ناۋقاستاردى جەدەل قابىلدادى. جەرلەۋ رەسٸمٸنە كٶمەك ۇيىمداستىرىلدى. سونىمەن قاتار, بۇل ٷيدە ٷش پەتەر بولدى. ولاردىڭ بارلىعى جارامسىز بولىپ قالدى, بٸز تۇرعىنداردى جەدەل قونىستاندىردىق», - دەدٸ ە.مارجىقپاەۆ.
- اۋداندىق تج جارييالاندى. بٸز بٷگٸن پەتەر ساتىپ الۋ ٷشٸن 30 ميلليون تەڭگە بٶلدٸك. شىن مەنٸندە, باللون دالادان جىلىتۋ ٷشٸن ٷيگە ەكەلٸنگەن جەنە وسى سەتتە جارىلىس بولدى. بٸز كٶرسەتٸپ وتىرعان كٶمەكتەن بٶلەك, بٷگٸن مەشٸت تاراپىنان قايىرىمدىلىق شوتى ۇيىمداستىرىلىپ, 13 ميلليون تەڭگەدەن استام قاراجات جينالدى. بۇل قاراجات زارداپ شەككەندەردٸڭ ەمدەلۋٸ, وتباسىلارىنا كٶمەك كٶرسەتۋگە جۇمسالادى», - دەدٸ ايماق باسشىسى.
ەسكە سالا كەتەيٸك, 16 قاراشادا اقمولا وبلىسىنىڭ شورتاندى كەنتٸندە لينەينايا كٶشەسٸندە گاز باللونىنىڭ جارىلۋى ورىن العان بولاتىن. وقيعا ورنىندا ٷش ادامنىڭ دەنەسٸ تابىلدى. ەر تٷرلٸ جاراقاتپەن ون ادام ورتالىق اۋداندىق اۋرۋحاناعا جاتقىزىلدى. نۇر-سۇلتاندا 12 جاسار بالا وقيعا سالدارىنان كٶز جۇمدى. ال, 23 قاراشادا گاز باللونىنىڭ جارىلىسىنان زارداپ شەككەن قىز قايتىس بولدى. اقمولا وبلىسىندا زارداپ شەككەندەرگە كٶمەك كٶرسەتۋ جٶنٸندەگٸ شتاب قۇرىلدى.
