ەرلەردٸڭ دە ٸشكٸ كٷيٸ ماڭىزدى

فوتو: Amanjol Tubir

Ult.kz-تە جيھانكەز جۋرناليست دينارا بولاتتىڭ ٶزگە پايىمى.

قازٸرگٸ قوعامدا قىز-كەلٸنشەكتەر ٸزدەنٸپ, تٷرلٸ كٸتاپ وقىپ, پسيحولوگقا بارىپ, تەراپييادان ٶتٸپ جٷر. ال ۇلدار ولاي ەمەس. ەدەتتە قىزداردىڭ سىرىمەن بٶلٸسۋٸ, جىلاۋى, اينالاسىنان قولداۋ ٸزدەۋٸ تابيعي قالىپتى نەرسە دەپ قابىلدايمىز. ال ۇلدار ٷشٸن جىلدار بويى “جٸگٸتتٸڭ جىلاعانى ۇيات بولادى”, “ەر ادام مىقتى بولۋى كەرەك” سىندى قوعامدىق كٶزقاراس ولاردىڭ اشىلۋىنا ٷلكەن كەدەرگٸ. وسىلايشا كٶپ ەر اتاۋلى ٷشٸن سىرىن, جان-جاراسىن اشىپ, ورتاعا سالۋ ەلسٸزدٸكتٸڭ بەلگٸسٸ سانالىپ, ٸشتەن تىنۋعا تۋرا كەلەدٸ.

ال نەگٸزٸ بالالىق تراۆما تەك قىزداردا ەمەس ۇلدار دا بار.

كٶپ جاعدايدا:

ەكە ماحابباتىنىڭ جەتپەۋٸ

ەكەسٸنٸڭ شەكتەن تىس قاتالدىعى, سۋىقتىعى, ەشقاشان ۇلىنا كٶڭٸلٸ تولماۋى, بالانى ٶزگەلەرمەن سالىستىرا بەرۋٸ, نە تٸپتٸ ەكەنٸڭ بالا ٶمٸرٸندە بولماۋى ەسەر ەتەدٸ. مەيلٸ وتباسىمەن بٸرگە, بٶلەك ٶمٸر سٷرٸپ جاتقان ەكە بولسىن ۇلى ٷشٸن ماڭىزدى سەتتەردە, تەربيە بارىسىندا جانىندا بولماي ونىڭ ٶزٸن قورعانسىز سەزٸنۋٸ - ٷلكەن جاراقات.

انا مەيٸرٸمٸنٸڭ تاپشىلىعى

اناسىنىڭ بالا ٶمٸرٸندە بولا تۇرىپ, ۇلىن مەيٸرلەنٸپ قۇشاقتاماۋى, جاقسى كٶرەتٸنٸن ايتپايتىن ەموتسيونالدىق سۋىقتىعى - ۇل ٷشٸن ٶتە اۋىر. جەنە بٸر قىزىعى, ۇل بالا ەكەسٸنٸڭ تاستاپ كەتكەنٸنە قاراعاندا, اناسىنىڭ تاستاپ كەتكەنٸن اۋىر قابىلدايدى ەكەن. ودان بٶلەك اناسى ەكەسٸنەن, تۋىستاردان, قوعامنان زەبٸر كٶرٸپ قينالعان سەتٸندە كٸشكەنتاي بولىپ, كٶمەكتەسە الماعانى ٶمٸر بويىنا ٶكٸنٸش بولادى.

قوعامدىق قىسىم

سونىمەن قاتار, بالا كەزٸندە ەلەۋمەتتٸك جاعدايىنا, تٷرٸنە بايلانىستى تٷرلٸ ورتادا كەمسٸتۋشٸلٸك كٶرۋٸ, ٶزٸنٸڭ ۋايىمىمەن بٸر ٶزٸ قورعانسىز قالۋى دا بولاشاقتا ەر جٸگٸتكە نە اگرەسسييا, نە موتيۆاتسييا بولا الادى.

پايىم

قانداي اۋىر جاعدايدا دا حالىق “ەر جٸگٸتتٸڭ باسىنا نە كەلٸپ, نە كەتپەيدٸ” دەپ ونى جۇباتقانداي بولىپ تاعى دا بوساڭسىماۋعا يتەرمەلەيدٸ. ەر جٸگٸت جىنىسىنان بۇرىن - ادام, ونىڭ دا سەزٸمٸ بار دەپ قاراستىرعانىمىز ادامگەرشٸلٸككە جاتار. كٶپ جىل بويى ٸشٸندە ساقتالعان اۋىر سەزٸمدەر ونى تۇيىقتىق, ٶشپەندٸلٸك, ٸشٸمدٸك پەن ويىن قۇمارلىققا ەكەلۋ ىقتيمالدىعى جوعارى.

اتا-اناسىنا, دوسىنا, جارىنا اشىلا الماسا, ونىڭ پسيحولوگقا بارىپ جەڭٸلدەۋٸنە جاعداي جاساعان جٶن. ەدەتتە ەر ادامدار ٸشٸندەگٸسٸن ايتىپ بوساڭۋ ەموتسيياسىنان گٶرٸ, بٸردەن نەتيجەنٸ قالايدى. پسيحولوگ دەپ ەمەس, “مامانعا بارايىق”, “ماعان كٶمەگٸ بولدى, قالاساڭ باسىندا بٸرگە بارايىق”, “نەتيجە ەمەس, باعىتىن كٶرسەتەدٸ”, “شەشۋ جولدارىن ۇسىنادى” دەپ جۇمسارتىپ, جايمەن باعىتتاعان ابزال. ۇل, قىز دەپ بٶلمەي جالپى ۇلتتىڭ ساۋ, باقىتتى بولاشاعى ٷشٸن ەركٸمنٸڭ ٸشكٸ كٷيٸن رەتتەۋ مٸندەتتٸ دەر ەدٸم. قىز بالاسى ۇلت تەربيەسٸنە جاۋاپتى بولسا, ۇل بٸر مەملەكەتتٸڭ, بٸر وتباسىنىڭ تۇتاستىعىنا, قاۋٸپسٸزدٸگٸنە جاۋاپتى. ال ٸشكٸ احۋالى رەتتەلمەگەن ادامعا باسقا ادامدى, ەلدٸ تاپسىرىپ قويا الامىز با?

دينارا بولات