قر ٸشكٸ ٸستەر مينيسترٸ ەرلان تۇرعىمباەۆ ادام زورلاۋ قىلمىستارىنا قاتىستى پٸكٸر بٸلدٸردٸ, دەپ حابارلايدى قازاقپارات.
«ادام زورلاۋ قىلمىسى بٸزدە زاڭنامالىق تۇرعىدا جان-جاقتى ەسكەرٸلگەن. ارنايى باپتىڭ بٸرٸنشٸ, ەكٸنشٸ, ٷشٸنشٸ بٶلٸمٸ بار. توپتىق زورلاۋ جەكە قاراستىرىلعان. ونىڭ جازاسى دا قاتال. دەگەنمەن, ەر جاعدايدى جەكە الىپ قاراۋ كەرەك. مەن ادام زورلاۋ ٶتە اۋىر قىلمىس دەپ سانايمىن. مۇندايدا زەبٸر كٶرۋشٸنٸڭ ازامات رەتٸندە دە, ەيەل رەتٸندە دە كونستيتۋتسييالىق قۇقىعى تاپتالادى. بٸرەۋدٸڭ جەكە ەركٸندٸگٸنە قول سۇعۋ ارقىلى ار-مەن ۇجدانى قورلانادى. سوندىقتان, بۇل اۋىر قىلمىس, ونىڭ جازاسى دا اۋىر بولۋى تيٸس», - دەدٸ مينيستر ەلوردادا ٶتكەن ازاماتتاردى قابىلداۋ شاراسىنان كەيٸن.
ول باق ٶكٸلدەرٸنە قىلمىستىق-پروتسەسسۋالدىق كودەكسكە ەنۋٸ مٷمكٸن ٶزگەرتۋلەر مەن تولىقتىرۋلار تۋرالى دا ايتتى.
«قازٸر باس پروكۋراتۋرا ٸشكٸ ٸستەر مينيسترلٸگٸمەن بٸرگە جەنە ٶزگە دە قۇقىق قورعاۋ ورگاندارىمەن بٸرلەسٸپ قىلمىستىق-پروتسەسسۋالدىق كودەكسكە ٶزگەرتۋلەر دايىنداپ جاتىر. ونىڭ ٸشٸندە تٷزەتۋ مەكەمەلەرٸنە قاتىستىسى دا بار. تٷرمەدەگٸ ازاپتاۋ وقيعالارى ەستەرٸڭٸزدە بولار, قىلمىستىق اتقارۋ جٷيەسٸنە جٷرگٸزٸلٸپ جاتقان رەفورمانى قايتا قۇرىلىمدايتىن بولامىز. قولدانىستاعى قىلمىستىق-اتقارۋ كودەكسٸنە 60-تان استام ٶزگەرتۋ ۇسىندىق. وسىنىڭ بەرٸ ٸٸم بۇيرىعىمەن ەمەس, زاڭمەن رەتتەلەتٸن بولادى. ۇسىنىستاردىڭ بەرٸ باس پروكۋراتۋراعا جولداندى. ول جەردەن پارلامەنتكە تٷسٸپ, تالقىلانادى», - دەدٸ ەرلان تۇرعىمباەۆ.
