ٸشكٸ ٸستەر مينيسترٸ ەرلان تۇرعىمباەۆ قازا تاپقان پوليتسەيلەر قانات وتارباەۆ پەن قانات حاميدۋلليننٸڭ وتباسىلارىنا كٶڭٸل ايتتى, دەپ حابارلايدى قازاقپارات ٸٸم سٸلتەمە جاساپ.
«ولاردىڭ كەسٸبيلٸگٸ مەن پاراساتتىلىعىن, ٶز قىزمەتٸنە ادالدىعىن باسشىلىق تا, حالىق تا باعالاعان. ولار ەرٸپتەستەرٸنٸڭ اراسىندا سىيلى بولدى. ٸشكٸ ٸستەر ورگاندارىنىڭ بارلىق جەكە قۇرامى قازا تاپقانداردىڭ تۋىستارى مەن جاقىندارىمەن بٸرگە قايعىرادى», – دەدٸ مينيستر ەرلان تۇرعىمباەۆ.
ايتا كەتسەك, پوليتسييا كاپيتانى قانات ايداربەكۇلى وتارباەۆ ٸشكٸ ٸستەر ورگاندارىندا 16 جىل قىزمەت ەتكەن. ارتىندا جۇبايى مەن ٷش بالاسى قالدى, ولاردىڭ ەڭ كٸشٸسٸ 3 جاستا. پوليتسييا كاپيتانى قانات بولاتۇلى حاميدۋللين ٸشكٸ ٸستەر ورگاندارىندا 12 جىل قىزمەت ەتكەن. مارقۇمنىڭ ارتىندا جٷكتٸ ەيەلٸ مەن جەتٸ جاسار ۇلى قالدى.
