الماتىدا «قازاقستانداعى قۇقىق قورعاۋ جەنە سوت جٷيەسٸن جاڭعىرتۋدىڭ ٶزەكتٸ مەسەلەلەرٸ» اتتى حالىقارالىق دٶڭگەلەك ٷستەل بارىسىندا, قر ٸشكٸ ٸستەر مينيسترٸ ەرلان تۇرعىمباەۆ ٸشكٸ ٸستەر ورگاندارىنداعى رەفورمالار تۋرالى ايتىپ بەردٸ, دەپ حابارلايدى قازاقپارات.
«ٶزدەرٸڭٸز بٸلەتٸندەي, 2018 جىلى ەلباسى ٸشكٸ ٸستەر ورگاندارىن كەڭ اۋقىمدى رەفورمالاۋدى باستادى. بيىل 1 قىركٷيەكتە مەملەكەت باسشىسى ٶزٸنٸڭ حالىققا جولداۋىندا پوليتسييا قىزمەتٸن قىزمەتتٸك مودەلگە اۋىستىرۋدى تاپسىردى. پرەزيدەنت تاپسىرمالارىنىڭ ماقساتى - حالىقتىڭ سەنٸمٸنە يە ٸشكٸ ٸستەر ورگاندارىنىڭ زاماناۋي تەحنولوگييالىق جٷيەسٸن قۇرۋ. رەفورمالاردىڭ نەگٸزگٸ قۇرالى 2019-2021 جىلدارعا ارنالعان ٸشكٸ ٸستەر ورگاندارىن جاڭعىرتۋدىڭ جول كارتاسى بولدى», - دەدٸ قر ٸشكٸ ٸستەر مينيسترٸ.
سونىمەن قاتار, اتقارىلعان جۇمىستارعا دا توقتالىپ ٶتتٸ.
«بٸرٸنشٸدەن, ٸشكٸ ٸستەر ورگاندارىنىڭ ۇيىمداستىرۋشىلىق-شتاتتىق قۇرىلىمى وڭتايلاندىرىلدى. باسشىلىق لاۋازىمىنداعى قىزمەتكەرلەر 11% -عا قىسقاردى. بٷگٸنگٸ تاڭدا 100 مىڭ تۇرعىنعا شاققانداعى پوليتسييا قىزمەتكەرلەرٸنٸڭ سانى بويىنشا بٸز ورتاشا ەۋروپالىق دەڭگەيدەمٸز», - دەدٸ ول.
ەكٸنشٸدەن, مينيستردٸڭ ايتۋىنشا, قىزمەتكەرلەرگە ەڭبەكاقى تٶلەۋ جەنە ەلەۋمەتتٸك قورعاۋ جٷيەسٸ جاقسارۋدا. بٸرٸنشٸ كەزەڭدە, 2019 جىلدىڭ شٸلدەسٸنەن باستاپ جالاقى 20-65% -عا كٶتەرٸلدٸ. ەكٸنشٸ كەزەڭدە, 2021 - 2023 جىلدارى جالاقىنى ورتا ەسەپپەن 30% كٶتەرۋ جوسپارلانىپ وتىر. باسپانانى جالعا العانى ٷشٸن ٶتەماقى بەرٸلەتٸن قىزمەتكەرلەردٸڭ تٸزٸمٸ دە كەڭەيتٸلدٸ.
«ٷشٸنشٸدەن, كادرلاردى ٸرٸكتەۋ جەنە وقىتۋ جەتٸلدٸرٸلدٸ. بٸز ۆەدومستۆولىق بٸلٸم بەرۋدٸ وڭتايلاندىردىق. ياعني, 12 وقۋ ورنىنان 5 وقۋ ورنىن قالدىردىق. تٶرتٸنشٸدەن, قىركٷيەك ايىندا مەملەكەت باسشىسىنىڭ جارلىعىمەن ازاماتتىق قورعاۋ سالاسىنداعى فۋنكتسييالار جاڭادان قۇرىلعان تٶتەنشە جاعدايلار مينيسترلٸگٸنە بەرٸلدٸ», - دەدٸ ەرلان تۇرعىمباەۆ.
بەسٸنشٸدەن, حالىقپەن جۇمىس ٸستەۋدٸڭ جاڭا فورماتتارى ەنگٸزٸلدٸ.
«بٸرٸنشٸ كەزەكتە, اشىق ديالوگ ۇيىمداستىرىلدى. ول ٷشٸن بٸز بۇقارالىق اقپارات قۇرالدارىن, ينتەرنەت كەڭٸستٸگٸن, «جولدا قابىلداۋ» اكتسييالارىن قولدانامىز. ازاماتتاردى قابىلداۋعا بارلىق جاعداي جاسالدى. بٷگٸندە تۇرعىنداردىڭ ساۋالدارىنا جەدەل جاۋاپ قايتارىلادى», - دەدٸ ٸشكٸ ٸستەر مينيسترٸ.
قىلمىستىق-اتقارۋ جٷيەسٸن جاڭعىرتۋ بويىنشا, 2019 جىلدىڭ مامىر ايىندا حالىقارالىق فورۋم ٶتتٸ. 2019 جىلدىڭ 27 جەلتوقسانىندا قابىلدانعان زاڭ اياسىندا بٸرقاتار ەزٸرلەنگەن شەشٸمدەر ٸسكە اسىرىلدى, سوتتالعانداردىڭ قۇقىقتارىن جاقسارتۋعا باعىتتالعان 33 تٷزەتۋلەر ەنگٸزٸلدٸ.
«2014 جىلدان باستاپ سوتتالۋشىلاردىڭ ازايۋىنا بايلانىستى قىلمىستىق-اتقارۋ جٷيەسٸنٸڭ 14 مەكەمەسٸ تاراتىلدى. قازٸر بٸز پرەزيدەنت ەكٸمشٸلٸگٸ مەن قاۋٸپسٸزدٸك كەڭەسٸ اپپاراتىنىڭ باسشىلىعىمەن مەملەكەت باسشىسىنىڭ پوليتسييا قىزمەتٸن قىزمەتتٸك مودەلگە اۋىستىرۋ تۋرالى تاپسىرماسى بويىنشا جۇمىس ٸستەپ جاتىرمىز», - دەپ اتاپ ٶتتٸ ٸشكٸ ٸستەر مينيسترٸ.
