التىن دومبىرا جəنە تاۋىقتار
بٸزدە بارلىق جاعدايدىڭ, قامقورلىقتىڭ, سىي-قۇرمەتتٸڭ ەسترادا فانەرششيكتەرٸ مەن ايتىسكەرلەرگە عانا جاسالاتىنى نەسٸ ەكەن?! Əۋ باستان قازاقتىڭ كيەلٸ دومبىراسىنىڭ يەسٸ əنشٸ مەن كٷيشٸ ەمەس پە ەدٸ? بٷگٸنگە ايقىن بولعان بٸر انىق جايت بار: ول قازاقتىڭ əلەمدەگٸ ەڭ باي مۋزىكالىق مۇراعا يە حالىق ەكەندٸگٸ. زامانا تەزٸنەن ٶتٸپ, بٷگٸنگە جەتكەن ون مىڭداي كٷي مەن بەس مىڭداي əنٸمٸز بار ەكەن! بابالاردان ميراس بولعان بۇل شىعارمالاردى دٷنيەگە əكەلگەن التىن ساۋساق əنشٸلەر مەن كٷيشٸلەر ەدٸ عوي. بۇل كٷندە سول مۇرانى كٶزدٸڭ قاراشىعىنداي ساقتاپ, ەلگە ناسيحاتتاپ جٷرگەندەر تاعى دا سول əنشٸلەر مەن كٷيشٸلەرٸمٸز ەمەس پە?! ەندەشە, "التىن دومبىرا" كٷيشٸ مەن əنشٸنٸڭ جولى عوي. نەگە "التىن دومبىرادان" əنشٸ, كٷيشٸ ٶنەرپازدار سىرت قالادى?! بٸرجاننىڭ قولىنداعى دومبىراسىن تارتىپ العان "جانبوتا پوشتابايشىلىق" قاشانعا دەيٸن جالعاسادى?!
اقىرى باستاعان سوڭ, ايتايىن, قازاق قوعامىندا بٸر قىزىق (بəلكٸم شىجىق) قۇبىلىس ورىن الىپ وتىر: ٶنەر دەسە, قازاقتىڭ كٶز الدىنا اۋىز جىبىرلاتقىش فانەرششيك əنشٸلەر مەن ساقالى بار, مۇرتى جوق, شاپانىن سٷيرەتكەن ايتىسكەرلەر عانا كەلەتٸن بولعان كٷنگە جەتتٸك. بۇل كٷندە جۇرت دٷنيەدە بۇدان اسقان ٶنەر بار دەپ ويلامايتىن بولعان. Əيتپەسە, ٶنەردٸڭ تٶرەسٸ əن مەن كٷي ەدٸ عوي, قاشاندا! بۇرىنعى قازاق ٷشٸن سولاي بولعان. "قۇلاقتان كٸرٸپ بويدى العان əسەم əن مەن تəتتٸ كٷي" - ٶنەردٸڭ اسىلى, جاۋھارى سانالعان. وسىلاي دەگەن اباي: "مال ٷشٸن جانىن جالداپ, قوبىز بەن دومبىرا الىپ, توپتا سارناعان" اقىنداردى جەك كٶرگەن. ال قازٸر نە بولدىق: əنشٸ مەن كٷيشٸنٸ كٷرەسٸنگە تاستادىق. ولاردىڭ اۋزىنداعى نەسٸبەسٸن فانەرششيكتەر مەن ۋاحابيت ايتىسكەرلەرگە جۇلىپ الىپ بەردٸك. سالىستىرۋ ٷشٸن ايتايىن: Əمٸرە قاشاۋباەۆ اتىنداعى جəنە جٷسٸپبەك ەلەبەكوۆ اتىنداعى رەسپۋبليكالىق əنشٸلەر كونكۋرسىنىڭ باس بەيگەسٸن العان əنشٸگە بەرٸلەتٸن جٷلدە ەكٸ جٷز مىڭ تەڭگە. ال ايتىسكەرلەرگە بەرٸلٸپ جٷرگەن "التىن دومبىرانىڭ" قۇنى 120 مىڭ دوللار تۇرادى دەيدٸ, راس بولسا. استا تٶك ٶتەتٸن استاردا تٸگٸلەتٸن 50, 100 مىڭ دوللاردىڭ قىمبات كٶلٸكتەرٸن بىلاي قويىڭىز. ال سول استاردا قازاقتىڭ əنٸ مەن كٷيٸنە ورىن جوق. سەبەبٸ ٷكٸلٸ دومبىرالى əنشٸ مەن كٷيشٸ اس يەسٸنە تيٸمسٸز. ٶيتكەنٸ əنشٸ مەن كٷيشٸ ونىڭ بٸر زاماندا كٸم بولعانى بەلگٸسٸز (قازٸر باتىر ياكي بي) اتا باباسىن ماداقتاپ, ماقتاپ, جىرلاپ, "نۇرلاپ" بەرمەيدٸ عوي. سوندىقتان قاي استا, ايت پەن تويدا بولسىن: "الاتاۋدان, ارقادان اقىندارىم كەلٸپسٸڭ", ال "əنشٸ مەن كٷيشٸنٸ قويداي قۋ قامشىمەن" دەيتٸن "تاپقا بٶلۋشٸلٸك" سالتانات قۇرىپ العان. تٸپتٸ, دوس-جارانىڭ تويىنا بارساڭ, دومبىرا ورنىنا ديسك سۇرايتىن حالگە جەتتٸك.
مٸنەكي, اعايىن, ٶنەر مەن ٶنەرپازدى وسىلاي الالايتىن بولدىق. سەبەبٸ əنشٸ مەن كٷيشٸدەن "پايدا" جوق. تىم بولماسا, "دۇرىستاپ" ۋاحابيست بولا المايدى. ٶيتكەنٸ "قۇرعىر" əن مەن كٷي تىم بيٸك, تىم اسقاق. جەردەگٸ جەمگە كٶزٸ قىزارىپ تٷسپەيدٸ. كٸمنٸڭ تارىسى پٸسسە, سونىڭ تاۋىعى بولمايدى. ال قازٸر بيلٸككە "تاۋىق" كەرەك. ٶيتكەنٸ تاۋىقتان كەلەر قاۋٸپ جوق. قيتۇرقى اعىمدارعا دا سولاي. "دٸن تاراتۋ" ٷشٸن "تاۋىقتار" تاپتىرمايتىن "قۇس". "شٸركٸن, تاۋىق, شىر اينالار, جەمٸڭ بولسا, قولىڭدا..!"
ەرلان تٶلەۋتايدىڭ فەيسبۋكتەگٸ جازباسىنان
