قازاقستان ەلەۋمەتتٸك قارىم-قاتىناس پەن ەكونوميكانىڭ جاڭاشا ەرٸ ساپالى دەڭگەيٸنە جىلجىپ كەلەدٸ. بۇل رەتتە قوعامدا مۇعالٸمدەر مەن پەداگوگيكانىڭ رٶلٸ مەن سالماعى ارتا بەرەرٸ ايقىن. ساياساتتانۋشى, ۇلتتىق قوعامدىق سەنٸم كەڭەسٸنٸڭ مٷشەسٸ ەرلان سايروۆ ۇستازدار كٷنٸ قارساڭىندا وسىنداي پٸكٸر بٸلدٸردٸ, دەپ حابارلايدى قازاقپارات.
«ەلەم تەحنولوگييالىق سيپاتى ٶزگەرٸپ بارادى. ەلەۋمەتتٸك قارىم-قاتىناس پەن ەكونوميكانىڭ جاڭاشا ەرٸ ساپالى دەڭگەيٸنە جىلجىپ كەلەمٸز. ەرينە, بۇل رەتتە مۇعالٸمدەر مەن پەداگوگيكانىڭ رٶلٸ مەن سالماعى ارتا بەرەرٸ ايقىن. الداعى كەزەڭدە تۇلعانى تەربيەلەۋ مەن وقىتۋدىڭ ورتالىق فيگۋراسى – ۇستاز بولىپ قالارى حاق. سول سەبەپتٸ, پەداگوگيكا مەن مۇعالٸمدەرگە قازٸرگٸ ۋاقىتتا مەملەكەتتٸك دەڭگەيدە زور ماڭىز بەرٸلۋدە. بٷگٸنگٸ كٷنٸ پەداگوگيكا سالاسىندا جەتٸستٸكتەرٸمەن بٸرگە پروبلەمالارى دا بارىن بٸلٸپ وتىرمىز. پرەزيدەنت قاسىم-جومارت توقاەۆتىڭ قازاقستان حالقىنا جولداۋىندا پەداگوگيكانىڭ جاڭا رٶلٸنٸڭ نەگٸزگٸ تەتٸكتەرٸ ايقىندالعان», - دەدٸ ساراپشى ۇستازدار كٷنٸنە ارنالعان «پرەزيدەنت قاسىم-جومارت توقاەۆتىڭ قازاقستان حالقىنا جولداۋى: مۇعالٸمنٸڭ ەلەۋمەتتٸك رٶلٸن ارتتىرۋ اسپەكتٸ» تاقىرىبىندا ٶتكەن دٶڭگەلەك ٷستەلدە.
ەرلان سايروۆتىڭ ايتۋىنشا, سالانىڭ دامۋى ٷشٸن مەملەكەت ۇيىمداستىرۋشىلىق باعىتتا جۇمىستى جەتٸلدٸرٸپ, قارجىلاندىرۋ مٶلشەرٸن ارتتىرىپ كەلەدٸ.
«بەرٸمٸز بٸلەتٸندەي, كەلەسٸ جىلدان باستاپ مۇعالٸمدەردٸڭ ايلىعى 25 پايىزعا كٶبەيەدٸ. وسىلايشا, 4 جىل بويى ۇستازداردىڭ تابىسى ەكٸ ەسەگە ٶسەدٸ. سىنىپ جەتەكشٸلٸگٸ ٷشٸن بەرٸلەتٸن ەڭبەكاقى ەكٸ ەسەگە ارتادى. دەمالىس كٷندەرٸ ۇزارادى. بۇل قادامدار ۇستازدارىمىزدى قاناتتاندىرادى دەگەن سەنٸمدەمٸن», - دەدٸ ول.
ەسكە سالا كەتسەك, وسىدان بٸراز ۋاقىت بۇرىن ٷكٸمەت وتىرىسىندا «پەداگوگ مەرتەبەسٸ تۋرالى» زاڭ جوباسى بەكٸتٸلگەن بولاتىن.
.jpeg)