بٸلٸم جەنە عىلىم مينيسترٸ ەرلان ساعاديەۆ وقو-دا زورلاندى دەگەن جەتٸ جاسار بالانىڭ ٸسٸنە قاتىستى پٸكٸر بٸلدٸردٸ, دەپ حابارلايدى Sputnik قازاقستان.
"قازٸر تەرگەۋ جٷرٸپ جاتىر. مەنٸڭ ويىمشا, ەر بەس مينۋت سايىن شىعىپ, ينتەرۆيۋ بەرۋدٸڭ قاجەتٸ جوق. تەرگەۋ قورىتىندىسىن كٷتەيٸك. بٸز پروكۋراتۋرا, ٸشكٸ ٸستەر باسقارماسىمەن كونسۋلتاتسييا جٷرگٸزدٸك. ەزٸرگە تەرگەۋ جٷرٸپ جاتىر. مەن سٸزدەردٸ دە بالانىڭ مٷددەسٸ ٷشٸن وسى سۇراق بويىنشا قوسىمشا تٷسٸنٸكتەمەلەردەن باس تارتۋعا شاقىرامىن", — دەدٸ ساعاديەۆ جۋرناليستەرگە مەجٸلٸستە ٶتكەن ٷكٸمەت ساعاتىنان كەيٸن.
مينيستر بالانىڭ قاۋٸپسٸزدٸگٸ قامتاماسىز ەتٸلگەنٸن, كٶپ ادام وسى مەسەلەمەن اينالىسىپ جاتقانىن ايتتى.
"مەكتەپ ەكٸمشٸلٸگٸنە بايلانىستى قانداي شارا قولدانىلادى?", — دەپ سۇرادى باق ٶكٸلدەرٸ.
"تەرگەۋ قورىتىندىسى, ساراپتاما نەتيجەسٸ شىققان كەزدە, قانداي دا بٸر فاكتٸلەر راستالسا, بٸز ەڭ قاتاڭ شارا قولدانامىز", — دەپ مەلٸم ەتتٸ ول.
بۇدان بٶلەك, مينيستر تەرگەۋ اياقتالعاسىن, وقو مەكتەپتەرٸندە كەشەندٸ تەكسەرٸس جٷرگٸزٸلەتٸنٸن العا تارتتى.
مينيستر "بٸزدٸڭ بالالار مەكتەپتە قورعالعان دەپ ەسەپتەيسٸز بە?" دەگەن سۇراققا:
"مۇنداي فاكتٸلەر بولادى. سەۋٸر ايىنىڭ باسىندا الماتىدا بارلىق ٷكٸمەتتٸك ەمەس ۇيىم ٶكٸلدەرٸمەن كەزدەسۋ ٶتكٸزۋدٸ جوسپارلاپ وتىرمىز. بٸز ارۋجان سايىندى, باسقالارىن دا وسى جيىنعا شاقىرامىز. وسىنداي فاكتٸلەردٸڭ بولۋ مٷمكٸندٸگٸن ازايتۋ ٷشٸن مەملەكەت پەن قوعام تاراپىنان قولعا الىنۋى تيٸس قوسىمشا شارالاردى تالقىلايمىز", — دەپ جاۋاپ بەردٸ.
