كومسومولدىڭ قاتارىندا بولمادىم. الايدا مەملەكەتتٸك ساياسي قىزمەتكە ارالاسقالى بەرٸ, ٷش كومسومولدىقتىڭ قول استىندا جۇمىس ٸستەپ, تەربيەسٸن الدىم. مەملەكەتتٸك قىزمەتتە جٷرگەندەر بٸلەدٸ, كومسومولدىقتار دەپ اتايتىن باسشىلاردىڭ قاسىندا جۇمىس ٸستەۋ – ەڭ بٸر ازاپتى جۇمىس, ەسكەري قىزمەتتە جٷرگەنمەن بٸردەي. سەبەبٸ ولار تىم مازاسىز باسشىلار – كٷندٸز-تٷنٸ ويلايتىندارى جۇمىس. سەنبٸ, جەكسەنبٸ, دەمالىس دەگەندٸ بٸلمەيدٸ. قاشان تىنىعىپ, كٷش جينايتىندارى دا بەلگٸسٸز.
مەن جەي قاتارداعى كومسومولدىقتار ەمەس, سولاردىڭ ٸشٸندە ەڭ بٸر بەلسەندٸ باسشىلار بولا بٸلگەن – يمانعالي تاسماعامبەتوۆ, قىرىمبەك كٶشەرباەۆ پەن نۇرلان نىعماتۋلين سيياقتى ازاماتتارمەن قىزمەتتەس بولدىم. وسى كٸسٸلەردٸڭ جانىندا جٷرٸپ, تالاي يدەولوگييالىق, ۇيىمداستىرۋشىلىق تەسٸلدەردٸ تەڭ مەڭگەرٸپ, بٸراز تەجٸريبە جينادىم.
ەرقايسىسىمەن بٸر سالادا جۇمىس ٸستەۋ مەن ٷشٸن ٷلكەن بٸر مەكتەپ بولدى. ٷشەۋٸ دە بٸرٸنەن بٸرٸ ٶتكەن پەدانت. جازعان قاعازىڭدى جەي بٸر شولىپ ٶتپەيدٸ, مۇقييات وقىپ, مەكتەپتە ٷي تاپسىرماسىن تەكسەرگەن مۇعالٸم سەكٸلدٸ, قويۋ قارا سييا قالاممەن ەربٸر جٸبەرگەن قاتەڭدٸ تاۋىپ, استىن سىزىپ, جازعانىڭنىڭ ٷستٸنە شىمايلاپ, باسقا دا نەبٸر ويلاردى قوسىپ جٸبەرەدٸ. سٶيتٸپ, كٷنٸنە تٶرت-بەس رەت كٸرەسٸڭ, كٸرگەن سايىن تاعى بٸر قاتە تاۋىپ, تاعى بٸر جاڭا سٶز تٸركەستەرٸ مەن تسيتاتالاردى جازىپ بەرەدٸ. سوندا مەن گازەتتە ٸستەيتٸن جۋرناليست, ال ولار سول گازەتتٸڭ رەداكتورلارى بولسا بٸر سٶز عوي, جوق, ولاي ەمەس.
سونىڭ اراسىندا ٶزگە ادامداردى قابىلداپ, تۇرعىن ٷي, قۇرىلىس, جول مەسەلەلەرٸ بويىنشا جينالىستاردى ٶتكٸزٸپ, تالاي شارۋاشىلىق مەسەلەلەردٸ تاس-تالقان ەتٸپ شەشٸپ جاتادى. تىڭداپ, باقىلاپ وتىرساڭ, ٶمٸر بويى سول قۇرىلىس, جول مەسەلەلەرمەن اينالىسىپ جٷرگەندەي, بەرٸن بٸلەدٸ, بەرٸنەن حاباردار. اقىن-جازۋشىلاردى ەرتٸپ كەلسەڭ, ولاردىڭ جازعان ەڭگٸمە ٶلەڭدەرٸن ٶزدەرٸنە جاتقا ايتىپ بەرٸپ وتىرادى. سٶيلەسە ەرقايسىسى سٶزگە شەشەن, ماقال-مەتەلدەتٸپ, ٶمٸردەن مىسالدار كەلتٸرە, كەز كەلگەن اۋديتورييانى ٶزدەرٸنە بٸردەن وپ-وڭاي-اق باۋراپ الادى. ياعني, بٸلٸمپاز, وقىمىستى, جەنە ٶزدەرٸنەن كٶپ بٸلەتٸن, كٶپ وقيتىن ازاماتتاردى قاستارىنا جيناپ جٷرەدٸ. وسى كٷنگە دەيٸن وقىعان كٸتاپتارىمىزبەن الماسىپ تۇرامىز.
كومسومولدىقتاردىڭ ۇيىمداستىرۋشىلىق قاسيەتتەرٸ بٸر بٶلەك. سوندىقتان جاۋاپتى ٸس-شارالاردى نەگٸزٸنەن سولارعا جٷكتەيتٸن. سەبەبٸ, اتقاراتىن ٸستەرٸنە ادال, جاۋاپكەرشٸلٸكپەن جاسايدى. كەز كەلگەن ٸسكە تيياناقتى, ولار ٷشٸن مايدا-شٷيدە سۇراق دەگەن جوق, بەرٸ ماڭىزدى, بەرٸ جەدەل, بەرٸ نەگٸزگٸ. بارعان جەرٸندە ەسكەريلەر سيياقتى تەرتٸپتٸ ورنىقتىرىپ, قاراماعىنداعىلارىن ساپ-ساپقا تٷزەپ, مايداندا جٷرگەندەي قاتال مٸنەزبەن باسقارىپ وتىرادى.
قىسقاسى, ايتايىن دەگەنٸم, كومسومولدىق ولار ٷشٸن يدەولوگييا ەمەس, ول باسقارۋ, ۇيىمداستىرۋ تەسٸلٸ. بٷگٸندە جاس شەنەۋنٸكتەر مۇحيت اسىپ, گارۆاردتاعى كەننەدي باسقارۋ مەكتەبٸنە بارعانى سيياقتى, كومسومولدىقتار ٷشٸن دە سول بٸر كەز - بٸر مەكتەپ. ال, ولار - سول مەكتەپتٸڭ تٷلەكتەرٸ. مىنا سوڭعى وقيعادا دا, كومسومولدىقتاردىڭ سول تيياناقتىلىعى, باياعى ەدەتپەن جوعارى دەڭگەيدە جاساماق بولىپ, ەرلەپ, ەسەمدەيمٸز دەگەن تالپىنىستارى ٶزدەرٸنە جاعىمسىز كٶزقاراس تۋدىرىپ الدى.
ەرينە, الاشتىقتاردىڭ جٷز جىلدىق تويى كٶلەڭكەدە قالىپ, ال كومسومولدىڭ عاسىرلىق تويى دٷركٸرەپ ٶتٸپ جاتقانى, شىنىمدى ايتسام, مەنٸ قىنجىلتادى. بٸراق, بىلاي قاراپ وتىرساڭ بەرٸ دە دۇرىس. نەگە?! سەبەبٸ, كٸم, قالايشا بٸرٸگە, ۇيىمداسا الدى, سولاي تويىن تويلادى, اتايتىنىن اتادى.
الاشتىڭ جٷز جىلدىعىن دا سولاي دٷركٸرەتٸپ ٶتكٸزۋگە بولار ەدٸ, تٸپتٸ ودان دا اسىرىپ جٸبەرۋگە دە مٷمكٸن ەدٸ. بٸراق, ەر جەردەن بٸر شۋلاپ, ايتىپ-ايتىپ قويدىق. سٶزگە مىقتىمىز, ال ناقتى ٸسكە كەلگەندە, ەرقايسىنىڭ مىڭداعان سىلتاۋى شىعا كەلدٸ. مويىنداۋ كەرەك, الاش يدەياسى ريتوريكا دەڭگەيٸنەن اسپاي قالدى. ال, شىن مەنٸسٸندە, الاشتىقتار مەملەكەتتٸلٸكتٸ باستى ماقسات ەتٸپ قويدى. جەنە ولار ازاتتىق ٷشٸن كٷرەسٸ بٸر بٶلەك, ال سول دەربەس, تەۋەلسٸز مەملەكەتتٸ ساقتاپ, قورعاپ تۇرۋ ٷشٸن ساياسي مەملەكەتتٸك باسقارۋ تەسٸلدەرٸن دە بارىنشا مەڭگەرۋدٸ ناسيحاتتاعان بولاتىن. سوندىقتان, كومسومولدىڭ جٷز جىلدىعى بٸز ٷشٸن قاي جاعىنان بولسا دا, جاقسى ساياسي ساباق بولدى.
