ارمەنييا استاناسى ەرەۆاندا 25 قازاندا قازاقستان پرەمەر-مينيسترٸ باقىتجان ساعىنتاەۆ پەن قىرعىزستان پرەمەر-مينيسترٸ ساپار يساكوۆتىڭ كەلٸسسٶزٸ جالعاسادى. كەشە ولار جابىق تٷردە ەكٸ جاقتى كەلٸسسٶز ٶتكٸزگەن.
ازاتتىقتىڭ قىرعىز رەداكتسيياسىنىڭ قىرعىزستان ٷكٸمەتٸنٸڭ باسپاسٶز قىزمەتٸنە سٸلتەمە جاساپ حابارلاۋىنشا, كەلٸسسٶزدٸڭ العاشقى كٷنٸندە ەكٸ جاقتى ىنتىماقتاستىق مەسەلەلەرٸ تالقىلانعان. كەلٸسسٶز تۋرالى ەگجەي-تەگجەيلٸ حابارلانبادى.
قازاقستاندىق رەسمي باق-تىڭ جازۋىنشا, ساعىنتاەۆ پەن يساكوۆ "ەكٸ جاقتى ەكونوميكالىق ىنتىماقتاستىق, سونىمەن قاتار شەكاراداعى, كٶلٸكتەگٸ, فيتوسانيتارييالىق جەنە ۆەتەرينارييالىق باقىلاۋ, كەدەن جەنە سالىق قىزمەتٸن باسقارۋ سالالارىنداعى ٶزارا ەرەكەت مەسەلەلەرٸن ەۋرازييا ەكونوميكالىق وداعى مەن دٷنيەجٷزٸلٸك ساۋدا ۇيىمىنىڭ ەرەجەلەرٸ جەنە نورمالارىنا ساي" رەتتەيتٸن جول كارتاسىنا قول قويۋدى تالقىلاپ جاتىر.
قازاقستان مەن قىرعىزستان پرەمەرلەرٸ ەرەۆانداعى ەاەو ەلدەرٸ ٷكٸمەت باسشىلارىنىڭ جيىنى اياسىندا كەزدەسٸپ جاتىر.
جول كارتاسىن قۇرۋ تۋرالى كەلٸسٸم ەكٸ ەل پرەمەرلەرٸنٸڭ 18 قازاندا استانادا ٶتكەن كەزدەسۋٸندە جاسالعان. ول كەزدە جول كارتاسىن جاساۋعا ەكٸ ەل بٸرٸنشٸ ۆيتسە-پرەمەرلەرٸنٸڭ باسشىلىعىمەن مينيسترلٸكتەر مەن ۆەدومستۆولار باسشىلارىنان جۇمىسشى توبى قۇرىلعان.
10 قازاننان باستاپ قازاقستان تارابى قىرعىز شەكاراسىنان ازاماتتار مەن كٶلٸكتەردٸ ٶتكٸزۋ تەرتٸبٸن كٷشەيتكەن. سونىڭ سالدارىنان قىرعىزستاننىڭ چۋ جەنە تالاس وبلىستارىنداعى باقىلاۋ-ٶتكٸزۋ بەكەتتەرٸندە ادامدار مەن اۆتوكٶلٸكتەر جينالىپ, ۇزاق ۋاقىت كەزەكتە تۇرۋعا مەجبٷر بولعان. ەسٸرەسە تەز بۇزىلاتىن تاعام ٶنٸمدەرٸن تاسيتىن ٷلكەن جٷك كٶلٸكتەرٸنٸڭ جٷرگٸزۋشٸلەرٸ قاتتى زييان شەككەن.
