فوتو: tccb.gov.tr
تٷركييادا 28 مامىردا ٶتكەن داۋىس بەرۋدٸڭ ەكٸنشٸ كەزەڭٸنٸڭ قورىتىندىسى بويىنشا رەجەپ تايىپ ەردوعان رەسمي تٷردە پرەزيدەنتتٸك سايلاۋدىڭ جەڭٸمپازى دەپ تانىلدى, - دەپ حابارلايدى Tengrinews.kz سايتى Anadolu اگەنتتٸگٸنە سٸلتەمە جاساپ.
سايلاۋدىڭ تٷپكٸلٸكتٸ نەتيجەلەرٸن تٷركييا جوعارعى سايلاۋ كەڭەسٸنٸڭ باسشىسى احمەت ەنەر جارييالادى. ونىڭ مەلٸمەتٸنشە, ورتالىق سايلاۋ كوميسسيياسى پرەزيدەنتتٸك سايلاۋعا بايلانىستى بارلىق ارىز بەن ٶتٸنٸش بويىنشا شەشٸم قابىلدادى.
"تٷركييادا 28 مامىردا ٶتكەن داۋىس بەرۋگە 52 093 375 سايلاۋشى قاتىستى. داۋىس بەرۋگە قاتىسقاندار - 85,72 پايىز. شەتەلدٸك سايلاۋ ۋچاسكەلەرٸندە, ونىڭ ٸشٸندە شەكارالىق بەكەتتەردە 1 ميلليون 930 مىڭ 226 ازامات داۋىس بەردٸ. داۋىس بەرۋ كٶرسەتكٸشٸ 56,34 پايىز بولدى. جالپى تٷركييانىڭ 54 024 601 ازاماتى سايلاۋ قۇقىعىن پايدالاندى. 28 مامىردا سايلاۋشىلاردىڭ جالپى قاتىسۋى 84,15 پايىزعا جەتتٸ", - دەدٸ يەنەر.
وسك باسشىسى پرەزيدەنتتٸك سايلاۋداعى داۋىس بەرۋدٸڭ ەكٸنشٸ كەزەڭٸنٸڭ تٷپكٸلٸكتٸ قورىتىندىسى بويىنشا رەجەپ تايىپ ەردوعان 52,18 پايىز (27 834 589 بيۋللەتەن), كەمال كىلىچداروگلۋ 47,82 پايىز (25 504 704 بيۋللەتەن) داۋىس جيناعانىن ايتتى.
