Foto: tccb.gov.tr
Túrkiiada 28 mamyrda ótken daýys berýdiń ekinshi kezeńiniń qorytyndysy boiynsha Rejep Taiyp Erdoǵan resmi túrde prezidenttik sailaýdyń jeńimpazy dep tanyldy, - dep habarlaidy Tengrinews.kz saity Anadolu agenttigine silteme jasap.
Sailaýdyń túpkilikti nátijelerin Túrkiia Joǵarǵy sailaý keńesiniń basshysy Ahmet Ener jariialady. Onyń málimetinshe, Ortalyq sailaý komissiiasy prezidenttik sailaýǵa bailanysty barlyq aryz ben ótinish boiynsha sheshim qabyldady.
"Túrkiiada 28 mamyrda ótken daýys berýge 52 093 375 sailaýshy qatysty. Daýys berýge qatysqandar - 85,72 paiyz. Sheteldik sailaý ýchaskelerinde, onyń ishinde shekaralyq beketterde 1 million 930 myń 226 azamat daýys berdi. Daýys berý kórsetkishi 56,34 paiyz boldy. Jalpy Túrkiianyń 54 024 601 azamaty sailaý quqyǵyn paidalandy. 28 mamyrda sailaýshylardyń jalpy qatysýy 84,15 paiyzǵa jetti", - dedi Iener.
OSK basshysy prezidenttik sailaýdaǵy daýys berýdiń ekinshi kezeńiniń túpkilikti qorytyndysy boiynsha Rejep Taiyp Erdoǵan 52,18 paiyz (27 834 589 biýlleten), Kemal Kylychdaroglý 47,82 paiyz (25 504 704 biýlleten) daýys jinaǵanyn aitty.
