مەملەكەت باسشىسى قاسىم-جومارت توقاەۆتىڭ اتىنا تٷركييا پرەزيدەنتٸ رەجەپ تاييپ ەردوعاننىڭ جولداۋ حاتى كەلٸپ تٷستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قۇجاتتا ەلٸمٸزدٸڭ جاڭا كوروناۆيرۋسقا قارسى قابىلداپ جاتقان كەشەندٸ ٸس-ەرەكەتتەرٸنە جوعارى باعا بەرٸلدٸ.
«قازاقستاندا COVID-19 ٸندەتٸنە قارسى قابىلدانىپ جاتقان تيٸمدٸ شارالار مەن جۇمىستارىڭىزدى مۇقييات قاداعالاپ وتىرمىز. ەڭ الدىمەن, ٸندەتپەن كٷرەستە العى شەپتەگٸ مەديتسينا قىزمەتكەرلەرٸنٸڭ جۇمىسىنا تابىس تٸلەيمٸن. قازاق حالقى بۇل داعدارىستى از شىعىنمەن ەڭسەرەتٸنٸنە سەنٸمٸم مول. وسى ورايدا, دوستاس ەرٸ باۋىرلاس قازاقستانعا قول ۇشىن سوزۋعا ەردايىم دايىنبىز. قازاقستاندىق دوستارىمىزدىڭ كٷش-جٸگەرٸنە قولداۋ بولار دەگەن نيەتپەن ەلٸڭٸزگە مەديتسينالىق جابدىقتار جٸبەرۋدەمٸن», – دەلٸنگەن حاتتا.
تٷركييا پرەزيدەنتٸ كوروناۆيرۋس پاندەميياسى سالدارىنان قايتىس بولعان قازاقستان ازاماتتارىنىڭ وتباسىلارىنا كٶڭٸل ايتىپ, قاۋٸپتٸ اۋرۋ جۇقتىرعانداردىڭ تەزٸرەك ساۋىعۋىنا تٸلەكتەستٸگٸن جەتكٸزدٸ.
سونداي-اق, رەجەپ تاييپ ەردوعان ورتاق تاريح پەن باۋىرلاستىقتان باستاۋ الاتىن ەكٸجاقتى ستراتەگييالىق ەرٸپتەستٸك قازٸرگٸ داعدارىستان كەيٸن ەرٸ قاراي بەكي تٷسەتٸنٸنە سەنٸمدٸ.
