Memleket basshysy Qasym-Jomart Toqaevtyń atyna Túrkiia Prezidenti Rejep Taiip Erdoǵannyń joldaý haty kelip tústi, dep habarlaidy "Ult aqparat" Aqordaǵa silteme jasap.
Qujatta elimizdiń jańa koronavirýsqa qarsy qabyldap jatqan keshendi is-áreketterine joǵary baǵa berildi.
«Qazaqstanda COVID-19 indetine qarsy qabyldanyp jatqan tiimdi sharalar men jumystaryńyzdy muqiiat qadaǵalap otyrmyz. Eń aldymen, indetpen kúreste alǵy sheptegi meditsina qyzmetkerleriniń jumysyna tabys tileimin. Qazaq halqy bul daǵdarysty az shyǵynmen eńseretinine senimim mol. Osy oraida, dostas ári baýyrlas Qazaqstanǵa qol ushyn sozýǵa árdaiym daiynbyz. Qazaqstandyq dostarymyzdyń kúsh-jigerine qoldaý bolar degen nietpen elińizge meditsinalyq jabdyqtar jiberýdemin», – delingen hatta.
Túrkiia Prezidenti koronavirýs pandemiiasy saldarynan qaitys bolǵan Qazaqstan azamattarynyń otbasylaryna kóńil aityp, qaýipti aýrý juqtyrǵandardyń tezirek saýyǵýyna tilektestigin jetkizdi.
Sondai-aq, Rejep Taiip Erdoǵan ortaq tarih pen baýyrlastyqtan bastaý alatyn ekijaqty strategiialyq áriptestik qazirgi daǵdarystan keiin ári qarai beki túsetinine senimdi.
