مەجٸلٸس سپيكەرٸ ەرلان قوشانوۆ قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ تاپسىرماسىمەن IV دٷنيەجٷزٸلٸك كٶشپەندٸلەر ويىندارىنىڭ سالتاناتتى اشىلۋ رەسٸمٸنە قاتىستى, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
كٶشپەندٸلەر ويىندارىنا ەلەمنٸڭ 102 ەلٸنەن 3 مىڭنان استام سپورتشى قاتىسىپ جاتىر. قازاقستاننىڭ اتىنان 50 سپورتشى سايىستىڭ بەس تٷرٸنەن باق سىناسادى. ولار – كٶكپار, قازاق كٷرەسٸ, دەستٷرلٸ ساداق اتۋ, جامبى اتۋ, كٶك بٶرٸ.
مەجٸلٸس تٶراعاسى دٷبٸرلٸ دودا الدىندا قازاقستان قۇراما كومانداسى مٷشەلەرٸمەن ارنايى كەزدەستٸ. ولارعا مەملەكەت باسشىسىنىڭ جىلى لەبٸزٸن جەتكٸزٸپ, جەڭٸس تٸلەدٸ.
ەرلان قوشانوۆ دٷنيەجٷزٸلٸك كٶشپەندٸلەر ويىندارى باۋىرلاس ەلدەردٸڭ مەدەني بايلانىستارىن كٷشەيتٸپ, تٷركٸ ەلەمٸنٸڭ ورتاق قۇندىلىقتارىن ەلەمگە پاش ەتۋدە ماڭىزى زور ەكەنٸن اتاپ ٶتتٸ.
– قازٸر كٷللٸ قازاقستان حالقى سٸزدەرگە جانكٷيەر بولىپ وتىر. قورجىندارىڭىز التىنعا تولسىن. قازاق سپورتشىلارىنىڭ قانداي مىقتى ەكەنٸن دٷبٸرلٸ دودادا دەلەلدەپ, ەل ابىرويىن اسقاقتاتا بەرٸڭٸزدەر, – دەدٸ مەجٸلٸس سپيكەرٸ.
ٸس-شارا اياسىندا ەرلان قوشانوۆ تٷركييا رەسپۋبليكاسىنىڭ پرەزيدەنتٸ رەجەپ تاييپ ەردوعانمەن كەزدەستٸ. مەجٸلٸس تٶراعاسى اتاجۇرتتان قازاقستان پرەزيدەنتٸ قاسىم-جومارت توقاەۆتىڭ جىلى لەبٸزٸ مەن زور ىقىلاسىن جەتكٸزٸپ, تٷركييادا العاش رەت ٶتكٸزٸلٸپ جاتقان دٷنيەجٷزٸلٸك كٶشپەندٸلەر ويىندارىنىڭ سالتاناتتى اشىلۋىمەن قۇتتىقتادى.
– جىل ٶتكەن سايىن بٸزدٸڭ مەملەكەتتەرٸمٸز اراسىنداعى ىنتىماقتاستىق ارتىپ كەلە جاتىر. بۇل ٶزٸڭٸزدٸڭ قازاقستان پرەزيدەنتٸ قاسىم-جومارت توقاەۆپەن دوستىق قارىم-قاتىناستارىڭىز بەن جەمٸستٸ ديالوگتىڭ نەتيجەسٸ دەپ بٸلەمٸن. وسى ورايدا سٸزدٸڭ وسى جىلعى قازان ايىنا جوسپارلانعان قازاقستانعا ساپارىڭىزدى اسىعا كٷتۋدەمٸز. بۇل ساپار باۋىرلاس ەلدەرٸمٸزدٸڭ اراسىنداعى تىعىز قارىم-قاتىناستى جاڭا دەڭگەيگە كٶتەرٸپ, ودان ەرٸ نىعايۋىنا زور مٷمكٸندٸك تۋعىزاتىنىنا سەنٸمدٸمٸز, – دەدٸ ەرلان قوشانوۆ.
ٶز كەزەگٸندە, تٷركييا پرەزيدەنتٸ قازاقستاننىڭ تٷركٸ ەلەمٸ مەن تٷركٸ مەملەكەتتەرٸ ۇيىمىنداعى ماڭىزدى رٶلٸن اتاپ ٶتٸپ, مەجٸلٸس سپيكەرٸنە IV دٷنيەجٷزٸلٸك كٶشپەندٸلەر ويىندارىنىڭ اشىلۋىنا قاتىسقانى ٷشٸن ريزاشىلىعىن بٸلدٸردٸ.
– قازاقستانداعى تۇراقتىلىق بٷكٸل ٶڭٸر ٷشٸن ماڭىزدى. بۇل ورايدا پرەزيدەنت قاسىم-جومارت توقاەۆتىڭ جٷرگٸزٸپ جاتقان رەفورمالارى مەن كەزەكتەن تىس پرەزيدەنتتٸك سايلاۋ ٶتكٸزۋ جٶنٸندەگٸ باستاماسىن قولدايمىن. قازاقستانداعى ٷدەرٸستەردٸ ەرەكشە باقىلاپ وتىرمىن. جالپى, قازاقستان مەن تٷركييا اراسىنداعى ەكٸجاقتى قاتىناستار جوعارى دەڭگەيدە دامىپ كەلەدٸ. وسى ورايدا پارلامەنتارالىق ىنتىماقتاستىقتىڭ ماڭىزدىلىعى زور, – دەدٸ رەجەپ ەردوعان.
مەجٸلٸس سپيكەرٸ قازاقستان پارلامەنتٸ مەن تٷركييا ۇلى ۇلتتىق جينالىسى اراسىنداعى, سونىڭ ٸشٸندە پارلامەنتارالىق ۇيىمدار اياسىندا ەكٸجاقتى ىنتىماقتاستىقتىڭ قازٸرگٸ اۋحالى تۋرالى بايانداپ, بٸرلەسكەن جۇمىس بارلىق سالا بويىنشا بەلسەندٸ جالعاسا بەرەتٸنٸن ايتتى.
سونداي-اق, ول قازاقستان كەلەسٸ V دٷنيەجٷزٸلٸك كٶشپەندٸلەر ويىندارىن ٶتكٸزۋ جٶنٸندە ۇسىنىس بەرگەنٸن ايتىپ, تٷركٸ قوعامداستىعى ونى قولدايتىنىنا سەنٸم بٸلدٸردٸ.
سونىمەن بٸرگە ەرلان قوشانوۆ تٷركييانىڭ بۇرىنعى پرەمەر-مينيسترٸ بينالي يىلدىرىممەن كەزدەسٸپ, تاراپتار ەكٸ ەل ىنتىماقتاستىعىنىڭ قارقىندى دامىپ كەلە جاتقانىن اتاپ ٶتتٸ.
