قازاقستاندىق ەكٸ بوكسشى WBA جەنە IBF نۇسقالارى بويىنشا بٸرٸنشٸ اۋىر ديۆيزيونداعى ەلەمنٸڭ ەكس-چەمپيونى, رەسەيلٸك دەنيس لەبەدەۆتٸڭ (34-2, 23كو) ايقاسىنىڭ اندەركارتىندا جەكپە-جەك ٶتكٸزەدٸ, دەپ حابارلايدى "ۇلت اقپارات".
ۆكونتاكتە ەلەۋمەتتٸك جەلٸسٸندەگٸ «قازاقستاننىڭ كەسٸپقوي بوكسى» پاراقشاسىنداعى اقپاراتقا سەيكەس, سۋپەر ورتا سالماقتا ٶنەر كٶرسەتەتٸن ايدوس ەربوسىنۇلى (12-0, 8كو) مەن جارتىلاي ورتا سالماقتاعى نۇرسۇلتان جاڭاباەۆتىڭ (8-0, 5كو) قارسىلاستارى ەزٸرگە بەلگٸسٸز. قوس بوكسشى دا الماتى ماڭىندا ورنالاسقان AIBA-نىڭ بوكس اكادەميياسىندا جاتتىعۋعا كٸرٸسٸپ كەتتٸ.
«27 جاستاعى ا.ەربوسىنۇلى 12 ايقاستا 12 رەت جەڭٸسكە جەتكەن (8-ٸ – نوكاۋتپەن). ونىڭ ەنشٸسٸندە WBA Inter-Continental جەنە WBO Global تيتۋلدارى, سونداي-اق 2018 جىلدىڭ جەلتوقسانىندا مەسكەۋدە بەلگييالىق يليياس اچەرگيدٸ (12-4-1, 6كو) نوكاۋتقا تٷسٸرگەننەن كەيٸن قول جەتكٸزگەن WBC Asia بەلدٸگٸ بار. ال 26 جاستاعى ن.جاڭاباەۆ WBA Inter-Continental, WBO Oriental جەنە IBF Pan Pacific بەلدٸكتەرٸنە يە. ول رينگكە 8 رەت شىعىپ, بارلىعىندا جەڭٸسكە جەتكەن (بەسەۋٸ – نوكاۋتپەن)», - دەلٸنگەن اقپاراتتا.
بوكس كەشٸ 21 جەلتوقسان كٷنٸ رەسەيدٸڭ كراسنويارسك قالاسىندا ٶتەدٸ. ونىڭ باستى ايقاسىندا لەبەدەۆتٸڭ قارسىلاسى وڭتٷستٸك افريكا ٶكٸلٸ تابيسو مچۋنۋ (21-5, 13كو) بولماق.
ايتا كەتەيٸك, لەبەدەۆكە WBA جەنە IBF نۇسقالارى بويىنشا بٸرٸنشٸ اۋىر سالماقتاعى تيتۋلدار تيەسٸلٸ بولىپ كەلگەن.
