فوتو Tengrinews.kz/اليحان ساريەۆ
بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ تەڭگەنٸڭ ەلسٸرەۋ سەبەبٸن اتادى, دەپ حابارلايدى قازاقپارات.
«بيىلعى جىلعى قاراشادا كوروناۆيرۋستىڭ جاڭا شتامىنىڭ تابىلۋى جەنە ونىڭ اقش پەن ەۋروپادا تارالۋىنا قاتىستى حابارلاردىڭ تاراۋى اياسىندا ەلەمدٸك قارجى جەنە تاۋار نارىقتارىندا جوعارى قۇبىلمالىلىق بايقالدى. بۇل مۇنايدىڭ بەلگٸلەنگەن باعاسىنىڭ كٷرت تٶمەندەۋٸنە الىپ كەلدٸ. مۇنايدىڭ ەلەمدٸك باعاسى تامىزدىڭ سوڭىنان باستاپ ەڭ تٶمەنگٸ دەڭگەي – بٸر باررەل ٷشٸن 65-66 اقش دوللارىنا دەيٸن ارزاندادى», - دەدٸ ول.
ۇب تٶراعاسىنىڭ ايتۋىنشا, ەلەمدٸك ۆاليۋتا نارىعىندا دا دامۋشى ەلدەر ۆاليۋتالارىنىڭ جاھاندىق ەلسٸرەۋٸ بايقالدى: رەسەي رۋبلٸ بٸر ايدا 4,7, وڭتٷستٸك افريكا راندى 4,3, مەكسيكا پەسوسى 4,3 پايىزعا ەلسٸرەدٸ.
«ٸرگەلٸ فاكتورلاردىڭ ناشارلاۋى قاراشادا تەڭگەنٸڭ بٸر اقش دوللارى ٷشٸن 434 تەڭگە 20 تيىنعا دەيٸن 1,7 پايىزعا ەلسٸرەۋٸنە سەبەپ بولدى. بيىلعى جىلعى 8 جەلتوقسانداعى جاعداي بويىنشا تەڭگە باعامى بٸر اقش دوللارى ٷشٸن 434 تەڭگە 46 تيىندى قۇرادى», - دەدٸ ەربولات دوساەۆ.
ونىڭ اتاپ ٶتۋٸنشە, بيۋدجەتكە ترانسفەرتتەر بٶلۋ ٷشٸن ۇلتتىق قور قاراجاتىن كونۆەرتاتسييالاۋ وپەراتسييالارى جەنە كۆازيمەملەكەتتٸك سەكتور ساتۋلارى ۇلتتىق ۆاليۋتاعا قولداۋ كٶرسەتتٸ. بۇل رەتتە سالىق كەزەڭٸ ەكسپورتتاۋشىلارداعى تەڭگەلٸك ٶتٸمدٸلٸكتٸڭ جەتكٸلٸكتٸلٸگٸنە بايلانىستى ۇلتتىق ۆاليۋتاعا ايتارلىقتاي قولداۋ كٶرسەتە العان جوق.
«بەلگٸسٸزدٸكتٸڭ تۋىنداۋى مەن سىرتقى جاعدايلاردىڭ كٷرت ناشارلاۋى اياسىندا جەكە جەنە زاڭدى تۇلعالاردا شەتەل ۆاليۋتاسىنا سۇرانىس ايتارلىقتاي ٶستٸ. ۇلتتىق بانك تەڭگەنٸ تۇراقسىزداندىراتىن اۋىتقۋلاردى بولدىرماۋ ماقساتىندا بيىلعى جىلعى قاراشانىڭ سوڭعى كٷندەرٸندە 239 ملن اقش دوللارى سوماسىنا 2020 جىلعى قازاننان باستاپ العاش رەت ۆاليۋتالىق ينتەرۆەنتسييا جٷرگٸزدٸ», - دەدٸ ۇب تٶراعاسى.
