قر ۇلتتىق بانكٸنٸڭ تٶراعاسى ەربولات دوساەۆ قازاقستان قارجىگەرلەرٸنٸڭ IX كونگرەسٸندە قارجى سەكتورىنداعى ٷش جاھاندىق سىن-قاتەر تۋرالى ايتىپ بەردٸ, دەپ حابارلايدى قازاقپارات.
«بٷكٸل ەلەمدٸك ەكونوميكا سيياقتى قازاقستان ەكونوميكاسى دا سوڭعى 2 جىلدا كوروناۆيرۋس پاندەميياسىنا بايلانىستى عاسىر داعدارىسىن باستان ٶتكەرٸپ وتىر. مۇنداي جاعدايدا قارجى سەكتورى ٷش جاھاندىق سىن-قاتەرگە قارسى كەلٸپ تۇر. بٸرٸنشٸ سىن-قاتەر – ينفلياتسييانىڭ جاپپاي ٶسۋٸ جەنە ەلەمدٸك تاۋار نارىقتارىنداعى سۇرانىس پەن ۇسىنىستىڭ تەڭگەرٸمسٸزدٸگٸ جەنە تاۋار جەتكٸزۋ ٸسٸنٸڭ توقتاپ قالۋىنان ينفلياتسييالىق قىسىمنىڭ كٶتەرٸلۋٸ», - دەدٸ ەربولات دوساەۆ.
ونىڭ ايتۋىنشا, ەلەمدٸك ەكونوميكا قارقىندى تٷردە قالپىنا كەلٸپ جاتىر جەنە ۆاكتسينالاۋ ارقاسىندا بيىلعى 3-توقساندا پاندەميياعا دەيٸنگٸ دەڭگەيگە قايتا ورالدى. ەلەمدٸك ناقتى جٸٶ 2021 جىلى 40 جىلدان استام ۋاقىت ٸشٸندە ەڭ جىلدام ٶسەدٸ جەنە حالىقارالىق ۆاليۋتا قورىنىڭ بولجامدارى بويىنشا 5,9%-تٸ قۇرايدى دەپ كٷتٸلۋدە.
«ەلەمدٸك ەكونوميكا قالپىنا كەلتٸرٸلگەن سوڭ شەكتەۋلٸ ۇسىنىس كەزٸندەگٸ سۇرانىستىڭ تەز ٶسۋٸ كٶپتەگەن جىلدار بويى شيكٸزاتتىڭ, كٶلٸك شىعىستارىنىڭ رەكوردتىق ٶسۋٸنە جەنە سونىڭ نەتيجەسٸندە ەلەمدەگٸ ينفلياتسييالىق قىسىمنىڭ جوعارىلاۋىنا الىپ كەلەدٸ. جاڭا پەرسپەكتيۆالار مەن كەڭ مٷمكٸندٸكتەر اشاتىن ەكٸنشٸ سىن-قاتەر – پاندەمييا ەسەرٸنەن بٷكٸل ەلەمدٸك ەكونوميكانى جەدەل تسيفرلاندىرۋ. ترانسفورماتسييالىق پروتسەستەر ۇتقىرلىق, ىڭعايلىلىق جەنە قاۋٸپسٸزدٸك تالاپتارىنا جاۋاپ بەرەتٸن قارجىلىق قىزمەتتەردٸ ۇسىنۋدىڭ جاڭا فورماتتارىن بٸرٸنشٸ ورىنعا شىعاردى», - دەدٸ ۇلتتىق بانك تٶراعاسى.
ال كٷن تەرتٸبٸندە تۇرعان ٷشٸنشٸ سىن-قاتەر – كليماتتىق ٶزگەرٸستەرگە قارسى كٷرەس. مەملەكەت باسشىسىنىڭ ٶزٸ بۇل مەسەلەگە كٶپ كٶڭٸل بٶلەدٸ. ول جاسىل ەكونوميكاعا بەلسەندٸ تٷردە كٶشۋدٸڭ جەنە قارجى سەكتورى ٷشٸن ورنىقتى دامۋ قاعيداتتارىن ەنگٸزۋدٸڭ ماڭىزدىلىعىن اتاپ ٶتكەن.
«بولاشاقتا بٸزدٸ كليماتتىق جاعدايلارعا تٸكەلەي ەسەر ەتۋدەن بٶلەك جاۋاپتى ينۆەستيتسييالاۋ قاعيداتتارى ەسكەرٸلگەن قارجىلىق لاندشافتتىڭ ٶزگەرۋٸ كٷتٸپ تۇر. جاھاندىق سىن-قاتەرلەر مەن قازٸرگٸ پروتسەستەردٸ ەسكەرە وتىرىپ, ۇلتتىق بانك بيىلعى ناۋرىزدا اقشا-كرەديت ساياساتىنىڭ 2030 جىلعا دەيٸنگٸ ستراتەگيياسىن بەكٸتتٸ, ول اقشا-كرەديت ساياساتىن جٷرگٸزۋدٸڭ ينستيتۋتسيونالدىق جەنە وپەراتسييالىق نەگٸزٸن كٷشەيتۋ, قارجى سەكتورىن مونەتارلىق ساياساتتىڭ تيٸمدٸ دەلدالى رەتٸندە دامىتۋ جەنە ماكروەكونوميكالىق ساياساتتىڭ كونترتسيكلدىلىعىن ارتتىرا وتىرىپ, ەكونوميكانى ودان ەرٸ ەرتاراپتاندىرۋ سيياقتى ٷش نەگٸزگٸ باعىتتان تۇرادى», - دەدٸ دوساەۆ.
