«AMANAT» پارتيياسىنىڭ اتقارۋشى حاتشىسى اسحات ورالوۆ جۇمىس ساپارىمەن الماتى قالاسىنا كەلدٸ, دەپ حابارلايدى "ۇلت اقپارات".
پارتييا باسپاسٶز قىزمەتٸنٸڭ مەلٸمەتٸنشە, اسحات ورالوۆ قالالىق فيليالدىڭ كەزەكتەن تىس كونفەرەنتسيياسىنا قاتىسقان. وسى جيىندا دەلەگاتتار «AMANAT» پارتيياسى فيليالىنىڭ جاڭا تٶراعالىعىنا الماتى قالاسىنىڭ ەكٸمٸ ەربولات دوساەۆتى سايلادى.
پارتييانىڭ اتقارۋشى حاتشىسى فيليال جاڭا باسشىلىعىنىڭ الدىندا پارتييانى مودەرنيزاتسييالاۋدى ەسكەرە وتىرىپ, جۇمىستى جانداندىرۋ جەنە سايلاۋالدى مٸندەتتەمەلەردٸڭ ساپالى ورىندالۋىن باقىلاۋ مٸندەتتەرٸ تۇرعانىن اتاپ ٶتتٸ.
«ٶزدەرٸڭٸز بٸلەتٸندەي, مەملەكەت باسشىسى, «AMANAT» پارتيياسىنىڭ تٶراعاسى قاسىم-جومارت توقاەۆ حالىقپەن كەرٸ بايلانىس جاساۋدا ترانسپارەنتتٸلٸكتٸ ارتتىرىپ, قوعامنىڭ بارلىق ٶكٸلدەرٸمەن جۇمىستى كٷشەيتۋ بويىنشا مٸندەتتەر قويدى. پارتييانىڭ بارلىق سايلاۋالدى ۋەدەلەرٸن – ازاماتتاردىڭ تالاپ-تٸلەكتەرٸن, «اماناتتارىن» ورىنداۋ نەگٸزگٸ باسىمدىق بولىپ قالا بەرەدٸ. بۇل رەتتە بٸز مەملەكەتتٸك ورگانداردان تسيفرلار تالاپ ەتەتٸن تەجٸريبەدەن الشاقتاۋىمىز كەرەك. ازاماتتاردىڭ پٸكٸرلەرٸن ەسكەرە وتىرىپ, باعدارلامانىڭ تارماقتارىن ناقتى ٸسكە اسىرۋعا ىقپال ەتەتٸن پرواكتيۆتٸ فورماتقا اۋىسۋىمىز قاجەت», - دەپ اتاپ ٶتتٸ اسحات ورالوۆ.
وسى كٷنٸ اسحات ورالوۆ زييالى قاۋىم ٶكٸلدەرٸمەن جەنە پارتييا ارداگەرلەرٸمەن دە كەزدەستٸ. ولاردىڭ ٸشٸندە ەيگٸلٸ اكتەر, تەاتر جەنە كينو رەجيسسەرٸ اسانەلٸ ەشٸموۆ, قازاقستان جازۋشىلار وداعى تٶراعاسىنىڭ ورىنباسارى اقبەرەن ەلگەزەك, اقىن جٷرسٸن ەرمان, جازۋشى سماعۇل ەلۋباي جەنە ت.ب. بار.
اشىق پٸكٸر الماسۋ بارىسىندا زييالى قاۋىم ٶكٸلدەرٸ پارتييا قىزمەتٸن جەتٸلدٸرۋ جٶنٸندەگٸ ٶز پٸكٸرلەرٸن ورتاعا سالىپ, مەملەكەت باسشىسى, پارتييا تٶراعاسى قاسىم-جومارت توقاەۆتىڭ حالىقتىڭ ەل-اۋقاتىن ارتتىرۋعا جەنە جاڭا قازاقستاندى قۇرۋعا باعىتتالعان باستامالارىنا قولداۋ بٸلدٸردٸ.
جۇمىس ساپارىنىڭ العاشقى كٷنٸ اتقارۋشى حاتشى قالالىق مەسليحاتتاعى «AMANAT» پارتيياسى فراكتسيياسىنىڭ مٷشەلەرٸمەن كەڭەس ٶتكٸزدٸ. ول وسى جيىندا دەپۋتاتتارعا جۇمىستى كٷشەيتۋدٸ جەنە قالالىق سايلاۋالدى باعدارلامانىڭ ورىندالۋىنا ساپالى باقىلاۋ ۇيىمداستىرۋدى تاعى بٸر رەت تاپسىردى.
«الماتىلىقتارعا بەرگەن بارلىق ۋەدەلەردٸ ورىنداۋ قاجەت. باقىلاۋدى كٷشەيتۋ ماقساتىندا الماتى قالاسىنا ارنالعان سايلاۋالدى باعدارلامانىڭ ەلەۋمەتتٸك تۇسىن بيۋرو مٷشەلەرٸنە, ال جول كارتاسىنىڭ ينديكاتورلارىن پارتييا ٶڭٸرلٸك فيليالى ساياسي كەڭەسٸنٸڭ مٷشەلەرٸنە بەكٸتۋ قاجەت», - دەپ اتاپ ٶتتٸ اسحات ورالوۆ.
