ش.شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى, فيلولوگييا عىلىمدارىنىڭ كانديداتى ەربول تٸلەشوۆ مەملەكەت باسشىسى قاسىم-جومارت توقاەۆتىڭ «اباي جەنە ححٸ عاسىرداعى قازاقستان» اتتى ماقالاسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«ابايدى تانۋ, ابايدى يگەرۋ, شىعارماشىلىعىن قورىتۋ – ەر كەزدە دە بولعان. ونىڭ باسىندا حح عاسىردىڭ باس شەنٸندە ەليحان بٶكەيحانۇلى, احمەت بايتۇرسىنۇلى, مٸرجاقىپ دۋلاتۇلى سيياقتى ازاماتتار تۇر. تاريحتى اقتارساڭىز, الاش ارىستارىنىڭ اباي قۇنانبايۇلىنا قاتىستى بٸرشاما ماقالاسى جارييالانعان. سودان بەرٸ ابايدى تانۋ جالعاسىپ كەلەدٸ. ابايتانۋدى مۇحتار ەۋەزوۆ ٷلكەن بٸر بيٸككە شىعاردى. ودان كەيٸنگٸ كەزەڭدە مەكەمتاس مىرزاحمەتوۆ, بەرگٸدە تۇرسىنجان شاپاي دەگەن ازاماتتار ابايدى تەرەڭ زەرتتەدٸ. ال پرەزيدەنتتٸڭ بٷگٸنگٸ ماقالاسىنىڭ جٶنٸ باسقا. نەگە دەسەڭٸز, عىلىمي ماقالا بار دا, قوعامعا تاستالعان باعدارلامالىق ۇران بار. پرەزيدەنتتٸڭ بٷگٸنگٸ ماقالاسى – قوعامعا تاستالعان ۇران سيياقتى. مۇندا دا ەلبەتتە, ەڭ بٸرٸنشٸ مەسەلە – ابايدى تانۋ, يگەرۋ دەپ ايتار ەدٸم», - دەدٸ ەربول تٸلەشوۆ.
عالىم «ابايدى تانىساق بٸزگە نە بەرەدٸ?» دەگەن سۇراققا جاۋاپ ٸزدەپ كٶردٸ.
«اباي – قازاقتىڭ رۋحاني ايناسى. ابايدى تانۋ ارقىلى بٸز ٶزٸمٸزدٸ تانيمىز, ٶزٸمٸزدٸ ادام رەتٸندە, قازاق رەتٸندە جٶنگە سالامىز. وسى تۇرعىدان كەلگەندە ادامنىڭ نيەتٸ, پەيٸلٸ, ەڭبەككە قاتىناسى, ورتاعا قاتىناسى, ٶمٸردەگٸ ەدٸلەتتٸلٸك ساناتتارىنا قاتىستى قۇندىلىقتاردىڭ بەرٸ دە ابايدا بار. عۇلامانىڭ شىعارمالارى قازاقتىڭ عاسىرلار بويى جەتٸلگەن, سۇرىپتالعان, كٶركەم تٸلٸمەن جازىلعان. سوندىقتان, ابايدى تانىعاننان كەيٸن بٸز ادامي مەدەنيەتٸمٸزدٸ جٶندەيمٸز. ونىڭ بەر جاعىندا ابايدىڭ تٸلٸ ارقىلى ٶزٸمٸزدٸڭ تٸلدٸك مەدەنيەتٸمٸزدٸ, تٸلٸمٸزدٸڭ تازالىعىن, كٶركەمدٸگٸن, بەينەلٸلٸگٸن يگەرەمٸز», - دەدٸ ول.
ەربول تٸلەشوۆ سونىمەن قاتار, «قىردا ٶسكەن اباي قالاعا بەيٸمدەلگەن قازٸرگٸ قازاققا ٶزەكتٸ مە?» دەگەن سۇراق تٶڭٸرەگٸندە پٸكٸرٸن ايتا كەلە, «ابايدىڭ ٶزەكتٸلٸگٸ – ادامي قارىم-قاتىناستاردىڭ, قوعامداعى ادامي ساباقتاستىقتىڭ جٶنٸن كٶرسەتۋٸندە», دەيدٸ.
«ادامنىڭ بٷگٸن كيگەن كيٸمٸ ٶزگەرگەنٸمەن, پەيٸلٸ, ماحابباتى, سەزٸمٸ بۇرىنعىشا قالدى. اباي وسى سەزٸمدەردٸڭ بەرٸن شىرقاۋ شىڭىنا جەتكٸزە جازىپ كەتتٸ. سونداي-اق, پرەزيدەنتتٸڭ ماقالاسىندا ابايدى عالامدىق دەڭگەيدە تانۋ مەسەلەسٸ ايتىلعان. قىتايدا لاو-تسزى مەن كونفۋتسيي بار دەسەك, ورىستا تولستوي مەن دوستوەۆسكييدٸ ايتادى. ال اباي – بٸزدٸڭ بيٸگٸمٸز. كەزٸندە ەلباسى «اباي – قازاقتىڭ بويتۇمارى» دەپ ايتقان. بٸزدٸڭ رۋحاني بويتۇمارىمىز. سوندىقتان, اباي شىعارمالارىن نەعۇرلىم كٶبٸرەك اۋدارىپ, شەتەلگە تانىتساق – اباي قازاقتى سوعۇرلىم تانىتا تٷسپەك. قازاقتىڭ مۇنايىن, بايقوڭىرىن, قازبا بايلىعىن تانىعان, پايدالانعان ەلەم ەندٸ ابايدى تانۋ ارقىلى بۇل حالىقتىڭ جاي حالىق ەمەس ەكەنٸن, ابايداي اقىندى تۋعان ەل ەكەنٸن تانۋى كەرەك», - دەدٸ ول.
ەسكە سالا كەتسەك, «Egemen Qazaqstan» گازەتٸنٸڭ بٷگٸنگٸ سانىندا قر پرەزيدەنتٸ قاسىم-جومارت توقاەۆتىڭ «اباي جەنە ححٸ عاسىرداعى قازاقستان» اتتى ماقالاسى جارييالانعان بولاتىن.
