جىل سايىن 200 مىڭ گەكتارعا جۋىق جەر سۋارىلماي پايدالانىلادى. بۇل تۋرالى بٷگٸن ٷكٸمەت وتىرىسىندا قر اۋىل شارۋاشىلىعى مينيسترٸ ەربول قاراشٶكەەۆ ايتتى, دەپ حابارلايدى قازاقپارات.
«ٷنەمٸ ٶسٸپ كەلە جاتقان سۋ رەسۋرستارىنىڭ تاپشىلىعى جاعدايىندا سۋدى ەسەپكە الىپ, ۇتىمدى بٶلەتٸن تسيفرلىق تەحنولوگييالاردى ەنگٸزە وتىرىپ, كانالدار مەن سۋ قويمالارىن سالۋ جەنە رەكونسترۋكتسييالاۋ مەسەلەلەرٸن ٶزەكتٸ ەرٸ دەر كەزٸندە كٶتەرٸلگەن مەسەلەلەر دەپ ەسەپتەيمٸز.
كانالدار مەن سۋ قويمالارىن رەكونسترۋكتسييالاۋ جەنە قالپىنا كەلتٸرۋ جوبالارىن ٸسكە اسىرۋ نەتيجەسٸندە 2021 جىلى سۋ شارۋاشىلىعى ينفراقۇرىلىمى جٷرگٸزٸلگەن الاڭ 1,6 ملن گەكتاردى قۇرادى, ونىڭ ٸشٸندە 1 ملن 527 مىڭ گەكتار جەردە ٶڭدەپ ٶسٸرٸلۋدە, بۇل 2020 جىلعا قاراعاندا 16,8 مىڭ گەكتارعا كٶپ. اتالعان الاڭنىڭ 1 ملن 182 مىڭ گەكتارى نەمەسە 77,4%-ى جەر ٷستٸ سۋارۋ تەسٸلٸنە تيەسٸلٸ, 96,3 مىڭ گەكتارى نەمەسە 6,3%-ى – نەگٸزٸنەن جاپپاي سۋ باسۋ ەدٸسٸمەن سۋارىلاتىن كٷرٸش القاپتارى, تەك 248,4 مىڭ گەكتارعا نەمەسە 16,2%-ىنا عانا زاماناۋي تامشىلاتىپ نەمەسە جاڭبىرلاتىپ سۋارۋ پايدالانىلادى», - دەدٸ قاراشٶكەەۆ.
ستاتيستيكا دەرەكتەرٸ بويىنشا سۋارمالى جەرلەردە مايلى, دەندٸ, ازىقتىق داقىلدار, كٶكٶنٸس-باقشا داقىلدارى, ماقتا, كارتوپ, كٷرٸش, قانت قىزىلشاسى ٶسٸرٸلەدٸ.
«سونىمەن قاتار جىل سايىن 200 مىڭ گەكتارعا جۋىق جەر سۋارىلماي پايدالانىلادى, ياعني ماقساتىنا ساي پايدالانىلمايدى. وسىعان بايلانىستى وبلىستار ەكٸمدٸكتەرٸ نىسانالى ماقساتى بويىنشا پايدالانىلمايتىن جەرلەردٸ الىپ قويىپ, زاڭنامادا بەلگٸلەنگەن تەرتٸپپەن ادال جەر پايدالانۋشىلارعا بەرۋ جۇمىستارىن جانداندىرۋى قاجەت», - دەدٸ مينيستر.
