فوتو: ينگا يمانبايدىڭ Facebook-تەگٸ پاراقشاسىنان
ەسكەردە بورىشىن ٶتەۋ كەزٸندە اۋىر جاراقات الىپ, كوماعا تٷسكەن ەربايان مۇحتاردىڭ ادۆوكاتى ينگا يمانباي تەرگەۋ ورگاندارىنا تاعى دا كٷمەن بٸلدٸرەتٸنٸن ەلەۋمەتتٸك جەلٸگە جازدى, دەپ حابارلايدى ULT.KZ.
"دابىل قاعۋعا مەجبٷرمٸن. دوستار, ەرباياننىڭ ٸسٸ بويىنشا ساراپتاما دايىن. بٸرنەشە كٷننەن بەرٸ سٸزدەرگە ايتار جاڭالىعىم بار دەپ جٷرگەنٸم وسى ەدٸ. نەگٸزٸ ساراپتاما ەلدەقاشان دايىن بولعان. بٸراق, تەرگەۋشٸ ونى ەكٸ كٷن بۇرىن عانا ماعان ايتىپ, كەشە ساراپتامامەن تانىسۋىم كەرەك ەدٸ. مەن تەرگەۋشٸمەن كەلٸسكەن ۋاقىتتا كٷتتٸم, ول قوڭىراۋعا جاۋاپ بەرگەن جوق. كەش بولىپ كەتكەسٸن ۆاتساپقا حابارلاما جازدىم. جاۋابى ماعان سىلتاۋ, ۋاقىت سوزۋ سيياقتى كٶرٸندٸ. تەرگەۋگە قاتىستى كٷمەنٸم كٷشەيدٸ. ەيتپەسە دايىن تۇرعان ساراپتامامەن تانىستىرۋدىڭ نەسٸ قيىن? سوندىقتان, ٸس بۇرمالانىپ, كٸنەلٸلەر, ەرباياندى وسى كٷيگە جەتكٸزگەندەر جازاسىز قالا ما دەگەن كٷمەنٸم كٷشەيدٸ", – دەپ جازادى ينگا يمانباي.
سوندىقتان, ەربايان مۇحتاردىڭ ادۆوكاتى جاعدايدى ەلەۋمەتتٸك جەلٸگە اشىق جازىپ, تەرگەۋدەن, قۇزىرلى ورگانداردان جاۋاپتى اشىق تالاپ ەتەتٸتٸن ايتىپ وتىر.
ەسكە سالساق, بىلتىر ۇلتتىق ۇلاننىڭ 5571 بٶلٸمٸندە بورىشىن ٶتەپ جٷرگەن ەربايان مۇحتار اۋىر جاعدايدا اۋرۋحاناعا تٷسكەن. ەسكەري بٶلٸم «سارباز دەرەتحانادا ٶزٸ قۇلاپ, باسىن كافەلگە سوعىپ الدى» دەگەن. ەربايان مۇحتاردىڭ اتا-اناسى بۇعان سەنبەيدٸ.
ەربايان مۇحتاردى تٷركيياعا قورعانىس مينيسترلٸگٸنٸڭ ارنايى بورتىمەن ىستامبۇلداعى “مەديكال-پارك” كلينيكاسىنا جاتقىزىلىپ, ەم قابىلداپ جاتىر.
