مەملەكەت باسشىسىنىڭ تاپسىرمالارىن ورىنداۋ ماقساتىندا پرەمەر-مينيستردٸڭ ورىنباسارى ەرالى توعجانوۆ عىلىمدى دامىتۋ مەسەلەلەرٸ جٶنٸندە كەڭەس ٶتكٸزدٸ. بۇل تۋرالى primeminister.kz سايتى حابارلادى.
كەڭەسكە پرەزيدەنت ەكٸمشٸلٸگٸنٸڭ, سالالىق مەملەكەتتٸك ورگانداردىڭ, «اتامەكەن» ۇكپ, «سامۇرىق-قازىنا» ۇەق» اق جەنە عىلىمي قوعامداستىقتىڭ ٶكٸلدەرٸ قاتىستى.
ۆيتسە-پرەمەر عىلىمنىڭ ٶندٸرٸسپەن ٶزارا بايلانىسىنىڭ ماڭىزدى رٶلٸن, حالىقتىڭ ەڭبەك تابىسىن ٶسٸرۋدەگٸ عىلىمنىڭ ٷلكەن ەلەۋەتٸن اتاپ ٶتتٸ. حالىقتىڭ تابىسىن ارتتىرۋ باعدارلاماسىنىڭ جوباسىندا 1700 جاڭا جۇمىس ورنىن قۇرا وتىرىپ, عىلىمي جەنە عىلىمي-تەحنيكالىق قىزمەتتٸ كوممەرتسييالاندىرۋدىڭ 200-گە جۋىق جوباسىن ٸسكە اسىرۋ كٶزدەلگەن.
توعجانوۆ حالىقتىڭ ەڭبەك تابىسىن ارتتىرۋعا عىلىمنىڭ ٷلەسٸن كٷشەيتۋ جٶنٸندەگٸ شارالاردى قوسىمشا پىسىقتاۋدى تاپسىردى.
كەڭەستە عالىمداردى قولداۋ, عىلىمي ينفراقۇرىلىمدى جاڭعىرتۋ, عىلىم, ٶندٸرٸس پەن بيزنەستٸڭ ٶزارا ٸس-قيمىلىن كەڭەيتۋ جٶنٸندەگٸ ناقتى شارالاردى قامتيتىن عىلىمدى دامىتۋدىڭ 2022-2026 جىلدارعا ارنالعان تۇجىرىمداماسىنىڭ جوباسى تالقىلاندى.
سونداي-اق, بٸلٸم جەنە عىلىم مينيسترلٸگٸ تەحنيكالىق عىلىمداردى, ينجينيرينگ پەن تەحنولوگييالاردى دامىتۋعا باسا نازار اۋدارا وتىرىپ, 951 پەرسپەكتيۆالى عىلىمي ەزٸرلەمەلەردٸڭ تٸزٸمٸن تانىستىردى.
بۇدان باسقا, سالالىق مەملەكەتتٸك ورگاندار جانىنان عىلىمي-تەحنيكالىق كەڭەستەر قۇرۋ ارقىلى جەر قويناۋىن پايدالانۋشىلاردىڭ عزتكج-عا اۋدارىمدارىن بٶلۋ تەتٸگٸ قارالدى.
كەڭەسكە قاتىسۋشىلاردىڭ ۇسىنىستارىن تىڭداعان پرەمەر-مينيستردٸڭ ورىنباسارى زەرتتەۋلەردٸڭ ٶندٸرٸستٸك عىلىمعا ەسەرٸن كٷشەيتۋ, حالىقارالىق تەحنولوگييالىق كومپانييالاردا قىزمەت ەتەتٸن جەتەكشٸ عالىم وتانداستاردى تارتۋ, تەجٸريبەلٸك-كونسترۋكتورلىق ەزٸرلەمەلەردٸڭ ٷلەسٸن ارتتىرۋ, ەكونوميكا مەن ەلەۋمەتتٸك سالانىڭ ناقتى مٸندەتتەرٸن شەشۋ ٷشٸن عىلىمي ينستيتۋتتاردىڭ, كەسٸپورىنداردىڭ زەرتحانالىق جابدىقتاردى بٸرلەسٸپ پايدالانۋى بويىنشا شارالار قابىلداۋدى تاپسىردى.
