ەلٸمٸزدە تەربيەشٸلەردٸڭ 25 پايىزدان استامىندا بالاباقشادا جۇمىس ٸستەۋگە قاجەتتٸ بٸلٸم جوق. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
«بٸلٸم بەرۋ سالاسىندا كٷردەلٸ مٸندەتتەر تۇر. بٷگٸندە بٸلٸم بەرۋ جٷيەسٸندە كٶپ پروبلەمالار جيناقتالىپ قالدى. ونىڭ ٸشٸندە بالالاردىڭ قاۋٸپسٸزدٸگٸ, ولاردىڭ تەربيەلٸك جەنە بٸلٸمدٸلٸك دەڭگەيٸ, پەداگوگتاردىڭ كەسٸبيلٸگٸ, يننوۆاتسييالار سانى بار. ەلەمدٸك رەيتينگتەردٸڭ مەلٸمەتتەرٸنە سەيكەس, قازاقستان بالا تەربيەسٸ بويىنشا سوڭعى 73-ورىنعا تۇراقتادى. PISA نەتيجەسٸ وقۋشىلاردىڭ ساۋاتتىلىعى تٶمەندٸگٸن كٶرسەتتٸ. سوندىقتان بايىپتى ساراپتاما قاجەت. بٸلٸمنٸڭ بارلىق ساناتىنداعى جاعدايدى جاقسارتۋ بويىنشا بٷكٸل شارالاردى قابىلداۋ كەرەك», - دەدٸ ەرالى توعجانوۆ پەداگوگتار مەن بٸلٸم جەنە عىلىم سالاسى قىزمەتكەرلەرٸنٸڭ رەسپۋبليكالىق تامىز كەڭەسٸ بارىسىندا.
سونىمەن قاتار ول ەلٸمٸزدە بالاباقشالار سانىنىڭ ارتا تٷسكەندٸگٸن, سوڭعى 3 جىلدا عانا 891 بالاباقشا اشىلعاندىعىن ايتا كەلە, ساپا مەسەلەسٸنە ەرەكشە توقتالدى.
«بٷگٸندە ولار قوعامنىڭ دا, اتا-انالاردىڭ دا كٶڭٸلٸنەن شىقپايدى. بۇل پروبلەمانى جان باسىنا قارجىلاندىرۋ دا شەشە المايدى. بارلىعى ٷشٸن بٸردەي مەملەكەتتٸك تاپسىرىس جەكەمەنشٸك جەنە مەملەكەتتٸك بالاباقشالاردا ەرتٷرلٸ ورنالاستىرىلادى. بۇل جۇمىس ساپاسىنا بەلگٸلٸ بٸر دەڭگەيدە كٷدٸك تۋدىرادى. بالالاردىڭ كەزەگٸ ساقتالىپ, كەزەككە قويۋ باياۋ اۆتوماتتاندىرىلۋدا. بالالاردىڭ 40 پايىزى عانا ەلەكتروندى جولداما العان», - دەدٸ ول.
پرەمەر-مينيستر ورىنباسارىنىڭ دەرەگٸنشە, ەلٸمٸزدە تەربيەشٸلەردٸڭ 25 پايىزدان استامىندا بالاباقشادا جۇمىس ٸستەۋگە قاجەتتٸ بٸلٸمٸ جوق.
«ەلەمدٸك تەجٸريبەدە قابىلدانعان بالاباقشالاردىڭ جۇمىس ساپاسى كٶرسەتكٸشٸن شۇعىل ەنگٸزۋدٸ تاپسىرامىن. بۇل كٶرسەتكٸشتە اتا-انالاردىڭ قاناعاتتانۋشىلىق دەڭگەيٸن, قوعام باعاسىن, بالالاردىڭ دامۋى دەڭگەيٸن, تاماقتانۋ ساپاسىن قوسۋ قاجەت», - دەدٸ ەرالى توعجانوۆ.
