قر پرەمەر-مينيسترٸنٸڭ ورىنباسارى ەرالى توعجانوۆ اشارشىلىق قۇرباندارىنىڭ تٸزٸمٸن جاساۋ جۇمىستارىنا قاتىستى تٷسٸنٸك بەردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا عالىمدار ساياسي قۋعىن-سٷرگٸن قۇرباندارىن تولىق اقتاۋ جۇمىستارى اياسىندا اشارشىلىق قۇرباندارىنىڭ تٸزٸمٸن جاساۋ جۇمىستارىن قولعا الۋ ۇسىنىستارىن ايتىپ جٷرگەندٸگٸ تۋرالى سٶز بولدى. سونداي-اق, كوميسسييانىڭ اشارشىلىق قۇرباندارىنىڭ تولىق تٸزٸمٸن جاساۋعا كٸرٸسۋ مٷمكٸندٸگٸ سۇرالعان بولاتىن.
ٶز كەزەگٸندە ە.توعجانوۆ حح عاسىردىڭ 20-30 جىلدارىنداعى قازاقستانداعى اشارشىلىق كەزەڭٸ زەرتتەۋمەن تٸكەلەي قامتىلاتىنىن ايتتى. ياعني بۇل جۇمىس كوميسسييانىڭ نەگٸزگٸ باعىتتارىنىڭ بٸرٸ.
«دەگەنمەن تولىق تٸزٸم جاساۋدا كٷردەلٸ مەسەلەلەر دە بارشىلىق. ەلٸمٸزدەگٸ ازاماتتاردى قۇجاتتاندىرۋدىڭ مەسەلەسٸ 35-36 جىلداردا عانا باستالعانىن ەسكەرۋٸمٸز كەرەك. بۇل تۇرعىدا دەرەكتەردٸ تولىقتاي قامتۋ وڭاي ەمەس. اتاپ ايتقاندا, عالىمداردىڭ اراسىندا دا دەرەكتەر ەرتٷرلٸ. سوندىقتان ولاردىڭ بارلىعىن كوميسسييا ٶز جۇمىسى بارىسىندا ناقتىلايدى دەگەن سەنٸمدەمٸز», - دەدٸ ٷكٸمەت باسشىسىنىڭ ورىنباسارى.
سونىمەن قاتار ە.توعجانوۆ حح عاسىردىڭ سول كەزەڭٸنەن كۋەگەرلەردٸڭ قالماۋى زەرتتەۋ جۇمىستارىن قيىنداتاتىنىن ايتتى.
«كۋەگەرلەردٸڭ ٶزٸ جوقتىڭ قاسى. سوندىقتان بۇل تۇرعىدا كوميسسييا, عالىمدار تيٸستٸ جۇمىستاردى اتقارادى. ٶڭٸرلەردٸ ارالاۋ كەرەك بولادى», - دەدٸ پرەمەر-مينيستردٸڭ ورىنباسارى.
