الماتى قالاسى بويىنشا سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى, باس مەملەكەتتٸك سانيتارلىق دەرٸگەر جانداربەك بەكشين قالاداعى ەپيدەميولوگييالىق جاعداي تۋرالى ايتتى, دەپ حابارلايدى "ۇلت اقپارات".
«24 شٸلدەدەگٸ جاعداي بويىنشا قالاداعى كۆي بويىنشا ەپيدەميولوگييالىق جاعداي كٷرت ناشارلادى, ٶتكەن تەۋلٸكتە قالادا 1080 جاعداي, ال اپتا بويى سىرقاتتانۋ 800-دەن 998 جاعدايعا دەيٸن تٸركەلدٸ», – دەدٸ جانداربەك بەكشين ٶڭٸرلٸك كوممۋنيكاتسييالار قىزمەتٸندە ٶتكەن بريفينگٸدە.
اۋرۋدىڭ قارقىندى ٶسۋ سەبەبٸ – 18 شٸلدەدەن باستاپ قالادا «دەلتا» نۇسقاسىنىڭ تارالۋى. بۇل تٷرٸ جوعارى جۇقپالى جەنە اۋىر كلينيكالىق سيمپتومدار تۋدىرادى.
سوڭعى 7 كٷندە «سيمپتومى بار» ناۋقاستاردىڭ ٷلەس سالماعى الدىڭعى 7 كٷندەگٸ 88%-دان 90%-عا دەيٸن ٶستٸ. ال ٶتكەن جىلى ۋحاننىڭ Covid-19 نۇسقاسىنا بايلانىستى ٸندەتتٸڭ العاشقى تولقىنى كەزٸندە 50%-عا دەيٸن كٶبەيگەن بولاتىن.
ٶتكەن 7 كٷن ٸشٸندە, الدىڭعى 7 كٷنمەن سالىستىرعاندا, كۆي 1,3 ەسە ٶستٸ, تەۋلٸكتٸك ٶسٸم 1%-دان استامدى قۇرادى. مۇنداي كٶرسەتكٸشتەر نەعۇرلىم قاتاڭ شەكتەۋ شارالارىن ەنگٸزۋدٸ تالاپ ەتەدٸ.
سوڭعى ەكٸ اپتادا جاس قۇرامىن تالداۋ «دەلتا» نۇسقاسىنىڭ كونتاگيوزدىلىعىنىڭ جوعارى بولۋىنا بايلانىستى بالالار مەن جاستارعا ۆيرۋستىڭ بۇرىنعى باعىتتىلىعىن كٶرسەتتٸ: 14 جاسقا دەيٸنگٸ بالالاردىڭ ٷلەس سالماعى 1%-عا ٶستٸ جەنە 14% دەڭگەيٸندە; 40-59 جاستاعى اۋىرعان ازاماتتاردىڭ ٷلەس سالماعى 25% دەڭگەيٸندە جوعارى بولىپ قالا بەرەدٸ . 60 جاستان اسقان ادامدار اراسىنداعى اۋىرعانداردىڭ ٷلەس سالماعى 70 جاستان اسقان ادامداردىڭ ەسەبٸنەن 1,1% - عا ٶستٸ.
كۆي جۇقتىرۋ ورىندارىن سالىستىرمالى باعالاۋ بارلىق نەگٸزگٸ ورىنداردا: ساۋدا نىساندارى – ناۋقاستاردىڭ 40%-ى (9%-عا ٶستٸ), قوعامدىق كٶلٸك – ناۋقاستاردىڭ 20%-ى (3,6%-عا ٶستٸ), وتباسى ٸشٸندە – ناۋقاستاردىڭ 19%-ى (2%-عا جۋىق ٶستٸ), بازارلار – ناۋقاستاردىڭ 16%-ى (5%-عا ٶستٸ) جۇقتىرۋدىڭ ٶسكەنٸن كٶرسەتتٸ.
24 شٸلدەدە بٸرٸنشٸ كومپونەنتپەن ۆاكتسينالاۋ جوسپاردىڭ 61,9%-ىن جەنە حالىق سانىنىڭ 33%-ىن, ەكٸنشٸ كومپونەنتپەن ەگۋ جوسپاردىڭ 39%-ىن جەنە حالىقتىڭ رەسمي سانىنىڭ 21%-ىن قۇرادى. بۇل كٶرسەتكٸش ەلٸ دە ەپيدەمييانىڭ كەزەكتٸ تولقىنىن تۇراقتاندىرۋدى قامتاماسىز ەتپەيدٸ.
ۆاكتسينا العانداردىڭ ٸشٸندە 250 ناۋقاس تٸركەلدٸ, ونىڭ ٸشٸندە 178 سىرقات ۆاكتسينا الۋدىڭ تولىق كۋرسىن ٶتكەن (160-ى سپۋتنيك-V, 13 – Hayat , Vac, 4 – KazVac, 1-CoronaVac ۆاكتسيناسىمەن ەگٸلگەن). بۇل 0,04%-دى قۇرايدى, بۇل الماتىدا ۆاكتسينالاۋدىڭ 99,9% تيٸمدٸلٸگٸن كٶرسەتەدٸ.
ەستەرٸڭٸزگە سالا كەتەيٸك, 26 شٸلدەدەن باستاپ الماتىدا كارانتين كٷشەيتٸلەدٸ.
