Almaty qalasy boiynsha sanitarlyq-epidemiologiialyq baqylaý departamentiniń basshysy, bas memlekettik sanitarlyq dáriger Jandarbek Bekshin qaladaǵy epidemiologiialyq jaǵdai týraly aitty, dep habarlaidy "Ult aqparat".
«24 shildedegi jaǵdai boiynsha qaladaǵy KVI boiynsha epidemiologiialyq jaǵdai kúrt nasharlady, ótken táýlikte qalada 1080 jaǵdai, al apta boiy syrqattaný 800-den 998 jaǵdaiǵa deiin tirkeldi», – dedi Jandarbek Bekshin óńirlik kommýnikatsiialar qyzmetinde ótken brifingide.
Aýrýdyń qarqyndy ósý sebebi – 18 shildeden bastap qalada «delta» nusqasynyń taralýy. Bul túri joǵary juqpaly jáne aýyr klinikalyq simptomdar týdyrady.
Sońǵy 7 kúnde «simptomy bar» naýqastardyń úles salmaǵy aldyńǵy 7 kúndegi 88%-dan 90%-ǵa deiin ósti. Al ótken jyly Ýhannyń Covid-19 nusqasyna bailanysty indettiń alǵashqy tolqyny kezinde 50%-ǵa deiin kóbeigen bolatyn.
Ótken 7 kún ishinde, aldyńǵy 7 kúnmen salystyrǵanda, KVI 1,3 ese ósti, táýliktik ósim 1%-dan astamdy qurady. Mundai kórsetkishter neǵurlym qatań shekteý sharalaryn engizýdi talap etedi.
Sońǵy eki aptada jas quramyn taldaý «delta» nusqasynyń kontagiozdylyǵynyń joǵary bolýyna bailanysty balalar men jastarǵa virýstyń burynǵy baǵyttylyǵyn kórsetti: 14 jasqa deiingi balalardyń úles salmaǵy 1%-ǵa ósti jáne 14% deńgeiinde; 40-59 jastaǵy aýyrǵan azamattardyń úles salmaǵy 25% deńgeiinde joǵary bolyp qala beredi . 60 jastan asqan adamdar arasyndaǵy aýyrǵandardyń úles salmaǵy 70 jastan asqan adamdardyń esebinen 1,1% - ǵa ósti.
KVI juqtyrý oryndaryn salystyrmaly baǵalaý barlyq negizgi oryndarda: saýda nysandary – naýqastardyń 40%-y (9%-ǵa ósti), qoǵamdyq kólik – naýqastardyń 20%-y (3,6%-ǵa ósti), otbasy ishinde – naýqastardyń 19%-y (2%-ǵa jýyq ósti), bazarlar – naýqastardyń 16%-y (5%-ǵa ósti) juqtyrýdyń óskenin kórsetti.
24 shildede birinshi komponentpen vaktsinalaý jospardyń 61,9%-yn jáne halyq sanynyń 33%-yn, ekinshi komponentpen egý jospardyń 39%-yn jáne halyqtyń resmi sanynyń 21%-yn qurady. Bul kórsetkish áli de epidemiianyń kezekti tolqynyn turaqtandyrýdy qamtamasyz etpeidi.
Vaktsina alǵandardyń ishinde 250 naýqas tirkeldi, onyń ishinde 178 syrqat vaktsina alýdyń tolyq kýrsyn ótken (160-y Spýtnik-V, 13 – Hayat , Vac, 4 – KazVac, 1-CoronaVac vaktsinasymen egilgen). Bul 0,04%-dy quraidy, bul Almatyda vaktsinalaýdyń 99,9% tiimdiligin kórsetedi.
Esterińizge sala keteiik, 26 shildeden bastap Almatyda karantin kúsheitiledi.
