ەۋرووداقتىڭ اتقارۋشى ورگانى - ەۋروپا كوميسسيياسى كوروناۆيرۋس ٸندەتٸنٸڭ جايىلۋىن تەجەۋ ٷشٸن وداقتىڭ ۆيزاسىز ايماعىندا قوزعالىسقا شەكتەۋدٸ كەمٸندە 15 مامىرعا دەيٸن ۇزارتۋعا شاقىردى.
ەۋروپا كوميسسيياسىنىڭ ۆيتسە-پرەزيدەنتٸ مارگاريتيس سحيناس 8 سەۋٸر كٷنگٸ مەلٸمدەمەسٸندە وداققا مٷشە ەلدەردٸڭ ەلەۋمەتتٸك وقشاۋلانۋ شارالارىن سەتتٸ جٷزەگە اسىرعانىن اتاپ ٶتٸپ, شەكتەۋ شارالارىن جالعاستىرۋدىڭ ماڭىزىنا توقتالعان.
"العاشقى نەتيجەسٸن دە كٶرٸپ وتىرمىز, سول سەبەپتٸ ساياحاتتاۋعا شەكتەۋ مەرزٸمٸن ۇزارتۋ ٸندەتتٸڭ جايىلۋ قاۋپٸن ازايتۋ ٷشٸن قاجەت" دەدٸ ول.
قازٸر ەۋروپا وداعى ازاماتتارى, وداق رەزيدەنتتەرٸ, ەو ازاماتتارىنىڭ وتباسى مٷشەلەرٸ, ترانزيتتٸك جولاۋشىلار, ديپلوماتتار, دەنساۋلىق ساقتاۋ سالاسى ماماندارى, گۋمانيتارلىق سالا ٶكٸلدەرٸ, وتباسى جاعدايىنا بايلانىستى جول جٷرۋگە مەجبٷر ازاماتتار عانا وداق اۋماعىنا كٸرە الادى.
بۇعان دەيٸن ەۋرووداقتىڭ كەيبٸر مٷشەلەرٸ كوروناۆيرۋستىڭ ەكونوميكاعا ىقپالىن ازايتۋ ٷشٸن شەكتەۋ شارالارىن بٸرتٸندەپ ازايتاتىنىن مەلٸمدەگەن ەدٸ. الايدا وداقتىڭ ٶزگە مٷشەلەرٸ شەكتەۋ شارالارىن ازايتسا, ۆيرۋس بۇدان دا جىلدام تاراپ, مەسەلە باقىلاۋدان شىعا ما دەپ قاۋٸپتەنەدٸ.
وداق اۋماعىندا كوروناۆيرۋستان 51 مىڭ ادام كٶز جۇمعان. ۆيرۋستان يتالييا, يسپانييا, فرانتسييا قاتتى زارداپ شەككەن.
