ەۋروپا وداعى (ەو) ەلدەرٸنٸڭ باسشىلارى رەسەيگە قارسى قاتاڭ ەكونوميكالىق سانكتسييالارىن التى ايعا ۇزارتۋعا كەلٸستٸ.
"ەو رەسەيگە قارسى ەكونوميكالىق سانكتسيياعا قاتىستى بٸرٸكتٸ" دەپ جازدى ەۋروپا كەڭەسٸنٸڭ تٶراعاسى دونالد تۋسك Twitter-دە. ەو ەلدەرٸنٸڭ باسشىلارى بۇل مەسەلەنٸ بريۋسسەلدەگٸ سامميتتە تالقىلادى. سانكتسييا رەسەي 2014 جىلى ۋكراينادان قىرىم تٷبەگٸن اننەكسييالاپ الىپ, دونباستاعى سەپاراتيستەردٸ قولداعان سوڭ سالىنعان.
ۋكراينا پرەزيدەنتٸ پەتر پوروشەنكو 14 جەلتوقساندا ەو-نىڭ رەسەيگە قارسى سانكتسييانى ۇزارتۋ شەشٸمٸن "ماڭىزدى ساياسي شەشٸم" دەپ اتادى.
"ەۋروپا وداعى ەلدەرٸ باسشىلارىنىڭ ۋكراينانىڭ تەرريتورييالىق تۇتاستىعىن بۇزعانى جەنە ەلٸمٸزگە قارسى گيبريدتٸ باسقىنشىلىعىن توقتاتپاعانى ٷشٸن رەسەيگە قارسى ەكونوميكالىق سانكتسييالاردى ۇزارتۋى - ماڭىزدى ساياسي شەشٸم" دەپ جازدى پوروشەنكو Facebook-تەگٸ پاراقشاسىندا.
