ەۋروپا وداعى (ەو) رەسەيگە ۋكراينا ەگەمەندٸگٸنە قول سۇققانى ٷشٸن سالعان سانكتسييانى تاعى التى ايعا ۇزارتتى. شەكتەۋ شارالارى 2018 جىلدىڭ 31 شٸلدەسٸنە دەيٸن جالعاسادى.
"بۇل شەشٸم بيىل 14 جەلتوقساندا فرانتسييا پرەزيدەنتٸ ەممانۋەل ماكرون مەن گەرمانييا كانتسلەرٸ انگەلا مەركەل ەۋروپا كەڭەسٸنە مينسك كەلٸسٸمٸنٸڭ ورىندالۋ بارىسى جايىندا اقپارات بەرگەننەن كەيٸن قابىلداندى " دەپ جازىلعان ەۋروپا كەڭەسٸنٸڭ رەسمي سايتىندا.
ەو رەسەيگە قارسى سانكتسييالاردى 2014 جىلى مەسكەۋ قىرىمدى اننەكسييالاپ الىپ, ۋكراينا شىعىسىنداعى سەپاراتيستەرگە قولداۋ كٶرسەتكەننەن كەيٸن سالدى. سودان بەرٸ شەكتەۋ مەرزٸمٸن ۇزارتىپ كەلەدٸ.
مەسكەۋ تٷبەكتٸ رەسەيگە قوسۋدى "تاريحي ەدٸلەتتٸلٸك ورناتۋ" دەپ باعالايدى, ال ۋكراينا شىعىسىنداعى قاقتىعىسقا ارالاسقانىن تەرٸستەيدٸ.
