ەنەرگييامەن جابدىقتاۋشى ۇيىمداردىڭ «ماەك-قازاتومٶنەركەسٸپ» جشس الدىنداعى جالپى بەرەشەگٸ 6.1 ملرد.تەڭگەنٸ قۇرايدى, ونىڭ ەكەۋٸمەن (قارىزى جالپى سومانىڭ 90%-ىن قۇرايدى) كومبينات بەرەشەكتٸ ٶندٸرٸپ الۋ بويىنشا جۇمىستى باستادى, دەپ حابارلايدى كەسٸپورىننىڭ باسپاسٶز قىزمەتٸ.
ەلەكتر ەنەرگيياسىنىڭ بٶلشەك ساۋدا نارىعىن ۇيىمداستىرۋ جەنە ونىڭ جۇمىس ٸستەۋ, سونداي-اق وسى نارىقتا قىزمەت كٶرسەتۋ قاعيدالارىنا سەيكەس بٶلشەك ساۋدا نارىعىندا ەلەكتر ەنەرگيياسىن ساتىپ الۋ جەنە ساتۋ ەنەرگييامەن جابدىقتاۋشى ۇيىمدار ارقىلى جٷزەگە اسىرىلادى. اقتاۋ قالاسى, مۇنايلى اۋدانى جەنە جاڭاٶزەن قالاسىنىڭ تۇتىنۋشىلارىن ەلەكتر ەنەرگيياسىمەن جابدىقتاۋ فۋنكتسيياسىن «AllianceEnergoSnab-اقتاۋ» جشس جەنە «ەلەكتر جٷيەلەرٸ» جشس اتقارادى.
«AllianceEnergoSnab-اقتاۋ» جشس مەن «ەلەكتر جٷيەلەرٸ» جشس-تەرٸ ٶز قىزمەتتەرٸن باستاعاننان بەرٸ الىنعان ەنەرگييا رەسۋرستارى ٷشٸن «ماەك-قازاتومٶنەركەسٸپ» جشس الدىنداعى بەرەشەگٸ ٶسە باستادى. قارىز بٷگٸنگٸ كٷنگە دەيٸن ەسەلەپ ٶسۋدە.
1968 جىلدان باستاپ ماەك وبلىس ورتالىعى - اقتاۋ قالاسىنىڭ تۇرعىندارى, ماڭعىستاۋ وبلىسىنىڭ ٶندٸرٸستٸك جەنە ەلەۋمەتتٸك ماڭىزى بار وبەكتٸلەرٸ ٷشٸن ەلەكتر ەنەرگيياسىن, اۋىز سۋدى, تەحنيكالىق, ىستىق سۋ مەن جىلۋدى ٷزدٸكسٸز ٶندٸرۋ تسيكلٸ بار ٶڭٸردەگٸ جالعىز كەسٸپورىن بولىپ تابىلادى.
بۇل رەتتە تۇتىنۋشىلار كٶتەرمە (1 مۆت-تان جوعارى تۇتىنۋشىلار) جەنە بٶلشەك (1 مۆت-قا دەيٸن تۇتىنۋشىلار)بولىپ ەكٸ ساناتقا بٶلٸنەدٸ
كەسٸپورىن ٶنٸم ٶندٸرۋ ٷشٸن نەگٸزگٸ رەسۋرس رەتٸندە «قازترانسگاز ايماق» اق-نان ساتىپ الىناتىن گازدى پايدالانادى.
ٷش جىل ٸشٸندە «AllianceEnergoSnab-اقتاۋ» جشس مەن «ەلەكتر جٷيەلەرٸ» جشس-نٸڭ ماەك الدىنداعى مەرزٸمٸ ٶتكەن جالپى دەبيتورلىق بەرەشەگٸ 5,6 ملرد.تەڭگەدەن استام سومانى قۇرادى.
«ماەك-قازاتومٶنەركەسٸپ» جشس ٶز تاراپىنان پايدا بولعان بەرەشەكتٸ تالاپ ەتۋ بويىنشا بارلىق ىقتيمال زاڭدى شارالاردى جاسادى, بٸراق بۇل شارالار نەتيجە بەرمەدٸ. كومبينات ەنەرگييا رەسۋرستارىن بورىشكەر كومپانييالارعا بەرۋگە شەكتەۋ قويا المايدى, ٶيتكەنٸ الدىمەنەن تۇرعىنداردىڭ مۇقتاجدىعى ەسكەرٸلەدٸ, سونىمەن بٸرگە ەلەكتر ەنەرگيياسىنىڭ تاپشىلىعى اۋرۋحانالاردىڭ, امبۋلاتورييالاردىڭ, ستاتسيونارلاردىڭ جەنە باسقا دا ەلەۋمەتتٸك ماڭىزى بار وبەكتٸلەردٸڭ ٷزدٸكسٸز جۇمىس ٸستەۋٸنە دە تەرٸس ەسەر ەتۋٸ مٷمكٸن. سونداي-اق, «AllianceEnergoSnab-اقتاۋ» جشس مەن «ەلەكتر جٷيەلەرٸ» جشس قاتىستى سوت-اتقارۋ شارالارى دا تيٸستٸ نەتيجە بەرمەدٸ.
«ماەك-قازاتومٶنەركەسٸپ» جشس اي سايىن «قازترانسگاز ايماق» اق الدىنداعى اعىمداعى بەرەشەگٸن تٶلەيدٸ, ول 3 ملرد.تەڭگەدەن استام سومانى قۇرايدى. «ماەك-قازاتومٶنەركەسٸپ» جشس ٶز ٶنٸمٸن ٶندٸرۋ ٷشٸن گاز جەتكٸزۋدٸڭ ٷزدٸكسٸزدٸگٸن قامتاماسىز ەتۋ ماقساتىندا ەكٸنشٸ دەڭگەيدەگٸ بانكتەردەن نەسيە الۋعا جەنە ٶز قاراجاتى ەسەبٸنەن بانكتٸڭ پايىزدىق مٶلشەرلەمەلەرٸن تٶلەۋ بويىنشا اۋىرتپالىقتى كٶتەرۋگە مەجبٷر. قازٸرگٸ ۋاقىتتا بانكتەردەگٸ نەسيە ليميتٸ تاۋسىلدى, كومپانييا اي سايىنعى دەبيتورلىق بەرەشەكتٸڭ ٶسۋٸنە بايلانىستى ٷلكەن شىعىندارعا ۇشىراۋدا. بۇل جاعداي ٶندٸرٸسكە, جابدىقتاردى جاڭارتۋعا, كەسٸپورىننىڭ تۇراقتى جۇمىسىنا جەنە «ماەك-قازاتومٶنەركەسٸپ» جشس ٷش مىڭ ۇجىم مٷشەلەرٸ الدىنداعى ەڭبەك مٸندەتتەمەلەرٸن ساقتاۋعا تەرٸس ەسەر ەتەدٸ.
ماەك باسشىلىعى ٶز ٶنٸمدەرٸن ساتۋدان الىنعان بارلىق اقشالاي قاراجاتتى تۇتىنىلعان وتىن گازى ٷشٸن بەرەشەكتٸ, كرەديتورلار الدىنداعى تٶلەمدەردٸڭ مەرزٸمٸن ٶتكٸزٸپ العانى ٷشٸن ٶسٸمپۇلداردى جەنە بانكتەر الدىنداعى پايىزداردى ٶتەۋگە جٸبەرۋگە مەجبٷر.
جوعارىدا باياندالعانداردىڭ نەگٸزٸندە جەنە ٷزدٸكسٸز ٶسٸپ كەلە جاتقان دەبيتورلىق بەرەشەكتٸڭ سالدارىنان جاعىمسىز سالدارلارعا جول بەرمەۋ ماقساتىندا «ماەك-قازاتومٶنەركەسٸپ» جشس 01.09.2021 جىلدان باستاپ «AllianceEnergoSnab-اقتاۋ» جشس جەنە «ەلەكتر جٷيەلەرٸ» جشس-مەن بارلىق ٶزارا شارتتىق قارىم-قاتىناستاردى بۇزۋعا مەجبٷر.
ولارمەن شارتتى بۇزۋ حالىققا ەلەكتر ەنەرگيياسىن جەتكٸزۋدە ٸركٸلٸستەرگە ەكەلمەيدٸ. باسقا ەنەرگييامەن جابدىقتاۋشى كومپانييالارمەن شارتتار جاسالاتىن بولادى, بۇل رەتتە «ماەك-قازاتومٶنەركەسٸپ» جشس ولارعا بورىشكەر كومپانييالاردىڭ جۇمىستان بوساتىلعان قىزمەتكەرلەرٸن جۇمىسقا ورنالاستىرۋدى ۇسىناتىن بولادى.
اقتاۋ جەنە جاڭاٶزەن قالالارىنىڭ, سونداي-اق مۇنايلى اۋدانىنىڭ تۇرعىندارىن كەسٸپورىننىڭ امالسىز قولدانعان شارالارىنا تٷسٸنٸستٸكپەن قاراۋدى ٶتٸنەمٸز. بۇل شارالار قابىلدانباعان جاعدايدا, كومبيناتتىڭ جيناقتالعان بەرەشەگٸ, سايىپ كەلگەندە, حالىقتىڭ قاجەتتٸلٸكتەرٸ ٷشٸن ەلەكتر ەنەرگيياسىن, اۋىز سۋدى, تەحنيكالىق, ىستىق سۋ مەن جىلۋدى ٶندٸرەتٸن جالعىز كەسٸپورىننىڭ توقتاپ قالۋىنا ەكەلۋٸ مٷمكٸن. بۇل جاعدايدا ماڭعىستاۋ وبلىسى تۇرعىندارىنىڭ تىنىس تٸرشٸلٸگٸ مەن دەنساۋلىعىنا ٷلكەن قاۋٸپ تٶنەتٸندٸگٸ سٶزسٸز.
