فوتو: t.me/baidildinovoil
استانا مەن الماتىداعى قوعامدىق كٶلٸكتەگٸ جولاقى 500 تەڭگە بولۋى كەرەك دەپ مەلٸمدەگەن ەنەرگەتيكا مينيسترٸنٸڭ بۇرىنعى كەڭەسشٸسٸ, ساراپشى ولجاس بايدٸلدينوۆكە قاتىستى قر ەنەرگەتيكا مينيسترلٸگٸ تٷسٸنٸكتەمە بەردٸ, دەپ حابارلايدى Ult.kz.
"كەيبٸر باق-تا ولجاس بايدٸلدينوۆ "قر ەنەرگەتيكا مينيسترلٸگٸ جانىنداعى قوعامدىق كەڭەستٸڭ مٷشەسٸ" رەتٸندە كٶرسەتٸلگەن ماتەريالدار جارييالانعانىنا جەنە ونىڭ قوعامدىق كٶلٸكتەگٸ جولاقى تاريفتەرٸ جٶنٸندەگٸ پٸكٸرلەرٸنە قاتىستى مينيسترلٸككە سۇرانىستار تٷسٸپ جاتقانىنا بايلانىستى تٶمەندەگٸنٸ حابارلايمىز:
ولجاس بايدٸلدينوۆ قر ەنەرگەتيكا مينيسترلٸگٸ جانىنداعى قوعامدىق كەڭەستٸڭ مٷشەسٸ بولىپ تابىلمايدى.
ونىڭ قوعامدىق كٶلٸك قىزمەتتەرٸ تاريفتەرٸن قالىپتاستىرۋ مەسەلەلەرٸ بويىنشا ايتقان پٸكٸرلەرٸ جەكە كٶزقاراسى بولىپ تابىلادى جەنە قازاقستان رەسپۋبليكاسىنىڭ مەملەكەتتٸك ورگاندارىنىڭ رەسمي ۇستانىمىن بٸلدٸرمەيدٸ.
قوعامدىق كٶلٸك قىزمەتتەرٸ تاريفتەرٸن قالىپتاستىرۋ جەرگٸلٸكتٸ اتقارۋشى ورگانداردىڭ (ەكٸمدٸكتەردٸڭ) قۇزىرەتٸنە جاتادى. اتالعان مەسەلە ەنەرگەتيكا مينيسترلٸگٸنٸڭ قىزمەت سالاسىنا كٸرمەيدٸ جەنە ونىڭ كٷن تەرتٸبٸندە جوق", - دەلٸنگەن حابارلامادا.
بۇعان دەيٸن ساراپشى ولجاس بايدٸلدينوۆ استانا مەن الماتىداعى قوعامدىق كٶلٸكتەگٸ جولاقى قازٸرگٸ 110–120 تەڭگەنٸڭ ورنىنا 500 تەڭگە بولۋى كەرەك دەپ مەلٸمدەگەن ەدٸ.
بايدٸلدينوۆتٸڭ پٸكٸرٸنشە, قوعامدىق كٶلٸك سالاسىنداعى مەملەكەتتٸك سۋبسيدييالار اشىق ەمەس, جەمقورلىققا جول اشادى جەنە قىزمەت ساپاسىن ارتتىرمايدى. ول سۋبسيدييالاردى الىپ تاستاپ, جولاقىنى نارىقتىق ەركٸن باعامەن بەلگٸلەۋدٸ جەنە جول قاشىقتىعىنا قاراي سارالانعان تٶلەم جٷيەسٸن ەنگٸزۋدٸ ۇسىندى.
ەسكە سالايىق, 2022 جىلعى قاندى قاڭتار وقيعالارى كەزٸندە بايدٸلدينوۆ سۇيىتىلعان گاز باعاسىنىڭ قىمباتتاۋىنا بايلانىستى ايتقان پٸكٸرٸنەن كەيٸن قوعامدا تٷرلٸ رەاكتسييا تۋدىرعان ەدٸ. ول سول كەزدە باعا ٶسٸمٸنە نارازى بولعاندارعا «قوعامدىق كٶلٸككە اۋىسىڭىزدار» دەپ كەڭەس بەرٸپ, گازدىڭ ليترٸنە 15–20 تەڭگەگە قىمباتتاۋى — ەلەۋسٸز سوما ەكەنٸن, «قازٸر بٸز ينتەرنەتكە بۇدان دا كٶپ تٶلەيمٸز» دەپ ايتقان بولاتىن. بۇل سٶزٸ نارازىلاردىڭ اشۋىن تۋعىزدى.
