قر ەنەرگەتيكا مينيسترٸ ماعزۇم مىرزاعاليەۆ جانار-جاعارماي باعاسىنىڭ قىمباتتاۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بٸزدٸڭ اۋىل شارۋاشىلىعى تاۋارىن ٶندٸرۋشٸلەرگە جىلىنا 800 مىڭ توننا جانارماي كەرەك. ەرينە, ەگٸس جەنە وراق ناۋقاندارى بار. ارتىلعان كٶلەمگە قاتىستى ايتساق, بٸرشاما جاقسى مٶلشەر بار. قىركٷيەك ايىندا مٶلشەرلەمەلەر تٶمەندەي باستادى دا, تاپشىلىق پايدا بولدى. قازان ايىنان باستاپ ارتىلعان كٶلەمنٸڭ مٶلشەرٸ ٶسە باستادى جەنە بٷگٸندە بٸزدە 240 مىڭ توننادان اسىپ وتىر. بۇل جانارمايمەن قامتاماسىز ەتۋدە ەشقانداي قيىندىقتار بولدىرماۋ ٷشٸن جەتكٸلٸكتٸ كٶلەم», - دەدٸ ماعزۇم مىرزاعاليەۆ ورتالىق كوممۋنياتسييالار قىزمەتٸندە ٶتكەن بريفينگٸندە.
سونداي-اق, ول, جانار-جاعارماي باعاسى مۇنايدىڭ باعاسىنا تٸكەلەي بايلانىستى ەكەنٸن ەسكە سالدى.
«باعاعا كەلەتٸن بولساق, مەنٸڭ ويىمشا, بٷگٸنگٸ تاڭدا جانار-جاعار ماي باعاسىنىڭ قىمباتتاۋىنا نەگٸز بولاتىن ٷلكەن العىشارتتار جوق. دەگەنمەن, جانار-جاعارماي باعاسىنىڭ قالىپتاسۋىنا مۇناي باعاسى دا ەسەر ەتەتٸنٸن ايتۋ كەرەك. كەيٸنگٸ اپتادا بٸر باررەل مۇنايدىڭ باعاسى 10% نەمەسە 71 دوللاردان 78 دوللارعا دەيٸن ٶسكەنٸن كٶرٸپ وتىرمىز. سوندىقتان جانار-جاعار ماي باعاسىن بولجاۋ – بەرەكەسٸز شارۋا. ٶيتكەنٸ بٸز مۇناي باعاسىنىڭ قالاي بولاتىنىن بٸلمەيمٸز», - دەپ تٷسٸندٸردٸ ەنەرگەتيكا مينيسترٸ.
