فوتو اشىق دەرەككٶزدەن الىندى
ەنەرگەتيكا مينيسترٸ الماسادام سەتقاليەۆ شقو-نىڭ زايسان اۋدانىنداعى گاز كەنٸشٸنٸڭ كەلەشەگٸ تۋرالى پٸكٸر بٸلدٸردٸ, دەپ حابارلايدى Kazinform اگەنتتٸگٸ.
«ول جەردە جەكە كومپانييا گاز كەنٸشٸن يگەرٸپ جاتىر, قازٸر ٶندٸرۋدٸڭ اقىرعى كەزەڭٸندە. اتالعان اۋداننىڭ قاجەتتٸلٸگٸن بارىنشا قامتاماسىز ەتۋ ٷشٸن كومپانيياعا گازدى ەكسپورتقا شىعارۋعا تىيىم سالىنعانىن بٸلەسٸزدەر. ەكسپورت باعىتى توقتاتىلدى. بٷكٸل گاز تەك ٸشكٸ قاجەتتٸلٸككە جۇمسالىپ جاتىر», — دەدٸ مينيستر اقورداداعى قازاقستان مەن فرانتسييا پرەزيدەنتتەرٸنٸڭ كەزدەسۋٸنەن كەيٸن.
ونىڭ سٶزٸنشە, كەنٸشتٸ يگەرۋدٸڭ تەحنيكالىق قىزمەتٸ جاعىنان پروبلەمالار بار.
«ەنەرگەتيكا مينيسترلٸگٸ تاراپىنان گاز جەلٸسٸنٸڭ يەلەرٸنە ەسكەرتۋ جاسالعان. تاياۋدا ول جاققا مينيسترلٸكتٸڭ كوميسسيياسى بارىپ, اتالعان اكتيۆتەردٸڭ دايىندىعىن تەكسەرەدٸ. كەشە وبلىس باسشىسىمەن سٶيلەستٸك. پارلامەنت دەپۋتاتتارى دا وسى مەسەلەنٸ كٶتەرٸپ وتىر. ول جەردە قازٸر تەك بٸر عانا كومپرەسسور جۇمىس ٸستەپ تۇر. قوسىمشا كومپرەسسور جوق. ياعني قازٸرگٸ جالعىز كومپرەسسور ٸستەن شىقسا, گازبەن قامتۋ جاعىنان مەسەلە تۋىنداۋى مٷمكٸن.
گاز كەنٸشٸندە شىنىمەن يگەرۋدٸڭ اقىرعى ساتىسى جٷرٸپ جاتىر. كەلەشەكتە گازدى باسقا كٶزدەردەن جەتكٸزۋ جٶنٸندە جوسپار بار», — دەپ اتاپ ٶتتٸ الماسادام سەتقاليەۆ.
