قر ەنەرگەتيكا مينيسترٸ ماعزۇم مىرزاعاليەۆ «كتك-قازاقستاننىڭ باستى ەكسپورتتىق باعىتى» اتتى كاسپيي قۇبىر كونسورتسيۋمىنىڭ 25 جىلدىق مەرەيتويىنا ارنالعان پانەلدٸك سەسسيياعا قاتىستى. شارا ەلوردادا XIV ەۋرازييالىق Kazenergy فورۋمى اياسىندا ٶتۋدە, دەپ حابارلايدى قازاقپارات.
ەنەرگەتيكا مينيسترٸ ٶز سٶزٸندە «تەڭٸز – اتىراۋ – نوۆوروسسييسك پورتى» باعىتى قازاقستاندىق مۇناي ەكسپورتى ٷشٸن ەڭ تيٸمدٸ جەنە قاۋٸپسٸز بولىپ تابىلاتىنىن اتاپ ٶتتٸ.
«قازاقستاننان ەكسپورتتىق مۇناي قۇبىرىن سالۋ ٷشٸن كٶپتەگەن نۇسقالار قارالدى. مۇنايدى ەكسپورتقا تاسىمالداۋدىڭ 10-نان استام باعىتى ۇسىنىلدى, ونىڭ ٸشٸندە رەسەي ارقىلى قارا تەڭٸزگە, يران ارقىلى پارسى شىعاناعىنا, باكۋ – دجەيحان ارقىلى جەرورتا تەڭٸزٸنە. سايىپ كەلگەندە, ساراپشىلار ەڭ تيٸمدٸ جەنە قاۋٸپسٸز باعىتتى انىقتادى: تەڭٸز – اتىراۋ – نوۆوروسسييسك پورتى. وعان قوسا, بۇل ەڭ قىسقا ەكسپورتتىق باعىت بولدى», - دەدٸ م.مىرزاعاليەۆ.
ەنەرگەتيكا مينيسترٸ سونداي-اق جوبانى قۇرۋ پروتسەسٸندە قازاقستاننىڭ تۇڭعىش پرەزيدەنتٸنٸڭ ٶزٸ شەشۋشٸ رٶل اتقارعانىن ەرەكشە اتاپ ٶتتٸ.
«ەلباسى نۇرسۇلتان ەبٸشۇلى نازارباەۆ ٶزٸنٸڭ تاباندىلىعىمەن جەنە بەدەلٸمەن كاسپيي قۇبىر كونسورتسيۋمىن قۇرۋعا قول جەتكٸزٸپ, وعان بارلىق مٷددەلٸ تاراپتاردى تارتا الدى. ... بٷگٸندە جوبا تابىستى كٶپجاقتى ىنتىماقتاستىقتىڭ جارقىن مىسالى بولىپ تابىلادى. قازاقستان مەن رەسەي اۋماعى ارقىلى ٶتٸپ, كاسپيي مەن قارا تەڭٸزدٸڭ ەكٸ تەڭٸز جاعالاۋىن جالعاي وتىرىپ, ول ۇلىبريتانييا, يتالييا, اقش, رەسەي مەن قازاقستاننىڭ كٶپتەگەن اكتسيونەرلەرٸن بٸرٸكتٸردٸ», - دەپ اتاپ ٶتتٸ مينيستر.
2001 جىلى مۇناي قۇبىرى پايدالانۋعا بەرٸلگەن سەتتەن باستاپ بٷگٸنگٸ كٷنگە دەيٸن قازاقستان 745 ملن.توننادان استام مۇناي ەكسپورتتادى. وسى باعىت بويىنشا ەكسپورتقا جەتكٸزٸلەتٸن قازاقستان مۇنايىنىڭ ٷشتەن ەكٸسٸنەن استامى ٶتەدٸ.
كقك قۇرىلىسى تەڭٸز, قاراشىعاناق سيياقتى ٸرٸ كەن ورىندارىندا مۇناي ٶندٸرۋ كٶلەمٸن ەدەۋٸر ۇلعايتۋعا, سونداي-اق قاشاعاندى يگەرۋدٸ باستاۋعا مٷمكٸندٸك بەردٸ.
«بٷگٸنگٸ تاڭدا كقك-نى كەزەڭ-كەزەڭٸمەن كەڭەيتۋ مۇناي قۇبىرىنىڭ ٶتكٸزۋ قابٸلەتٸن جىلىنا 67 ملن.تونناعا دەيٸن جەتكٸزدٸ. بۇل رەتتە جىلىنا 80 ملن. تونناعا دەيٸن مۇناي ٶتكٸزۋ قابٸلەتٸن كەڭەيتۋ مٸندەتٸ قويىلىپ وتىر», - دەدٸ ەنەرگەتيكا مينيسترٸ.
