قر اقپارات جەنە قوعامدىق دامۋ مينيسترلٸگٸنٸڭ جاستار جەنە وتباسى ٸستەرٸ كوميتەتٸنٸڭ تٶراعاسى مادييار قوجاحمەت قازاقستاندا ۆولونتەرلٸكتٸ قولداۋ باعىتىنداعى اۋقىمدى جۇمىستاردىڭ جوسپارىمەن بٶلٸستٸ, – دەپ حابارلايدى قازاقپارات.
«ۆولونتەرلەر جىلىنا بايلانىستى جالپى ەرٸكتٸلەر جۇمىسىنا دەگەن قىزىعۋشىلىقتى ارتتىرۋ جوسپارلانعان. بٸرشاما ۇسىنىس تا تٷسٸپ جاتىر. اتاپ ايتقاندا, بيىل «ەلەۋمەتتٸك ستۋدەنتتٸك نەسيە» اتتى جوباسىن باستادىق. ول بويىنشا ستۋدەنت جاستارعا ۆولونتەرلٸك قىزمەتتٸڭ ەر ساعاتى ٷشٸن 1 000 تەڭگەدەن تٶلەنەدٸ. ولار وسى سومانى وقۋ قاجەتتٸلٸگٸنە جۇمساپ, بازالىق شىعىندارىن ٶتەي الادى», - دەدٸ مادييار قوجاحمەت وكق-دا ٶتكەن باسپاسٶز مەسليحاتىندا.
ونىڭ ايتۋىنشا, ۆولونتەرلٸك قىزمەتتٸڭ ەر ساعاتى ٷشٸن تٶلەنەتٸن قاراجات رەسپۋبليكالىق بيۋدجەتكە ەنگٸزٸلٸپ قويعان.
«وپەراتور – بٸلٸم جەنە عىلىم مينيسترلٸگٸ. Qazvolunteer.kz سايتى بار. اتالعان سايتتا ۆولونتەرلٸك قىزمەت كٶرسەتۋگە نيەتٸ بار جاستار تٸركەلەدٸ. قازٸر جوو ستۋدەنتتەرٸ تٸركەلٸپ جاتىر. بٸراق, كەلەسٸ جىلى پروتسەسسكە كوللەدج ستۋدەنتتەرٸ دە تارتىلار دەگەن ٷمٸتتەمٸز», - دەدٸ ول.
كوميتەت تٶراعاسىنىڭ ايتۋىنا قاراعاندا, بۇدان بۇرىن ايتىلعانداي, ۆولونتەرلٸك قىزمەت مەرزٸمٸن ەڭبەك كٸتاپشاسىنا ەنگٸزۋ جۇمىسى دا پىسىقتالۋ ٷستٸندە.
«بۇل – ەۋروپا ەلدەرٸندە كەڭٸنەن تارالعان تەجٸريبە. دامىعان ەلدەردە بەلسەندٸ ۆولونتەرلٸك قىزمەت – قوسىمشا باسىمدىققا يە. سونىمەن بٸرگە, مەملەكەت باسشىسى ٶز سٶزٸندە ۆولونتەرلٸكتٸ دامىتۋدىڭ جەتٸ باعىتىن اتاعان ەدٸ. وسى باعىتتار اياسىندا ارنايى جوبالار جاسالادى. مەسەلەن, «قامقورلىق» جوباسى اياسىندا جەڭٸستٸڭ 75 جىلدىعى قارساڭىندا ۆولونتەرلەردٸ ەسكەرتكٸشتەردٸ قالپىنا كەلتٸرۋ ٸسٸنە تارتۋ كٶزدەلگەن. بۇعان قوسا ارحيۆتەردٸ تسيفرلاندىرۋ ٸسٸنٸڭ ماڭىزى العا شىقتى. بۇل باعىتتا دا ۆولونتەرلەر توبى جاساقتالادى», - دەدٸ ول.
مادييار قوجاحمەت ٶز سٶزٸندە رەسەيلٸك مامانداردىڭ قاتىسۋىمەن ۆولونتەرلٸكتٸڭ حالىقارالىق كەڭەسٸ قۇرىلعانىن ايتىپ ٶتتٸ.
«جۇمىس باعىتتارىن ايقىنداپ الۋ ٷشٸن رەسەيلٸك ەرٸپتەستەرمەن اۋقىمدى ٷش كەزدەسۋ ۇيىمداستىرماقپىز. وسىدان 2 جىل بۇرىن رەسەيدە «ەرٸكتٸلەر جىلى» ٶتكەن بولاتىن», - دەدٸ ول.
ەسكە سالا كەتسەك, جاستار جىلىنىڭ جابىلۋ جەنە ۆولونتەر جىلىنىڭ اشىلۋ سالتاناتىندا مەملەكەت باسشىسى قاسىم-جومارت توقاەۆ ۆولونتەرلٸك جۇمىستاردىڭ نەگٸزگٸ باعىتتارىن اتاعان بولاتىن. ٶز كەزەگٸندە قر اقپارات جەنە قوعامدىق دامۋ مينيسترٸ دەۋرەن اباەۆ قازاقستان ٶڭٸرلەرٸندە ۆولونتەرلٸكتٸ قولداۋعا ارنالعان ورتالىقتار اشىلاتىنىن حابارلاعان ەدٸ.
