قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ 2019 جىلدا نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ «ەڭبەك» مەملەكەتتٸك باعدارلاماسىن جٷزەگە اسىرۋدىڭ قورىتىندىسىن جارييالادى, دەپ حابارلايدى قازاقپارات.
وسى ورايدا ورتالىق كوممۋنيكاتسييالار قىزمەتٸندە قر ەڭبەك جەنە حالىقتى ەلەۋمەتتٸك قورعاۋ بٸرٸنشٸ ۆيتسە-مينيسترٸ ەرجان جىلقىباەۆ ٸسكە اسىرىلعان جۇمىستاردى باياندادى.
ونىڭ سٶزٸنە قاراعاندا, 2019 جىلدىڭ قورىتىندىسى بويىنشا ەلٸمٸزدە 424 مىڭ جاڭا جۇمىس ورنى قۇرىلعان, بۇل جىلدىق جوسپاردان 14 پايىزعا جوعارى. ونىڭ ٸشٸندە تۇراقتى جۇمىس ورىندارىنىڭ سانى 280 مىڭدى نەمەسە 66 پايىزدى قۇرادى. ەكونوميكالىق قىزمەت تٷرلەرٸ بٶلٸنٸسٸندە جۇمىس ورىندارىنىڭ ەڭ كٶپ سانى مىناداي سالالاردا قۇرىلدى: كٶتەرمە جەنە بٶلشەك ساۋدا – 44 مىڭ, قۇرىلىس – 43 مىڭ, اۋىل, ورمان جەنە بالىق شارۋاشىلىعى – 39 مىڭ.
بٸرٸنشٸ ۆيتسە-مينيستر 2019 جىلى «ەڭبەك» مەملەكەتتٸك باعدارلاماسىن جٷزەگە اسىرۋ قورىتىندىسى تۋرالى ايتا كەلە, حالىقتى جۇمىسپەن قامتۋعا جەردەمدەسۋدٸڭ بەلسەندٸ شارالارى جۇمىسسىزدىقتىڭ ٶسۋٸنە جول بەرمەۋگە ىقپال ەتكەنٸن ايتتى. ونىڭ دەڭگەيٸ 2018 جىلعى 4,9 پايىزدان 4,8 پايىزعا دەيٸن تٶمەندەپ, سونىڭ ٸشٸندە جاستار اراسىنداعى جۇمىسسىزدىق دەڭگەيٸ 3,8 پايىزعا قىسقاردى.
«2019 جىلى مەملەكەتتٸك باعدارلامانى قارجىلاندىرۋعا 178 ملرد تەڭگە بٶلٸندٸ. جۇمىسپەن قامتۋعا جەردەمدەسۋ شارالارىمەن 660 مىڭ ادام قامتىلدى, ونىڭ 261 مىڭى نەمەسە 40 پايىزى – جۇمىسسىزدار, 36 پايىزى – جاستار, 2 پايىزى – تابىسى از كٶپبالالى وتباسىلار. 2019 جىلى مەملەكەتتٸك باعدارلاما اياسىندا 449 مىڭ ادام جۇمىسقا ورنالاستىرىلدى, ونىڭ 383 مىڭى نەمەسە 85%-ى تۇراقتى جۇمىسپەن قامتىلدى», – دەدٸ ول.
جىلقىباەۆ مەملەكەتتٸك باعدارلامانىڭ بٸرٸنشٸ باعىتى جاستارعا تەحنيكالىق جەنە كەسٸپتٸك بٸلٸم بەرۋدٸ, جۇمىسسىز ازاماتتاردىڭ كەسٸپتٸك داعدىلارى مەن بٸلٸكتٸلٸكتەرٸن قىسقا مەرزٸمدٸ كۋرستار ارقىلى جەتٸلدٸرۋدٸ قاراستىراتىنىن ەسكە سالدى.
«2019 جىلى 22 مىڭ جاس ليتسەيلەر مەن كوللەدجدەرگە تەحنيكالىق جەنە كەسٸپتٸك بٸلٸم الۋعا قابىلداندى. مەملەكەتتٸك باعدارلاماعا قاتىسۋشىلارعا شەكٸرتاقى, بٸر رەتتٸك ىستىق تاماق جەنە جول جٷرۋگە قارجىلاي كٶمەك كٶرسەتٸلەدٸ. 57 مىڭ ادام (25 مىڭ جۇمىسسىزدار, 17 مىڭ ٶزٸن-ٶزٸ جۇمىسپەن قامتىعاندار) قىسقا مەرزٸمدٸ كۋرستارعا جٸبەرٸلدٸ, ولاردىڭ ٸشٸندە 50 مىڭ ادام وقۋدى اياقتادى. وقۋدى بٸتٸرگەندەردٸڭ 75%-ى تۇراقتى جۇمىسقا ورنالاستىرىلعانىن اتاپ ٶتكەن جٶن», – دەدٸ بٸرٸنشٸ ۆيتسە-مينيستر.
