تەجٸكستان پرەزيدەنتٸ ەمومالي راحمون 26 قاڭتار كٷنگٸ پارلامەنتكە جولداۋىندا مەملەكەت كوروناۆيرۋستى جەڭە الدى, ەلدە ۆيرۋس جوق دەپ مەلٸمدەدٸ. دەگەنمەن كٶپتەگەن تەۋەلسٸز ساراپشىلار رەسمي بيلٸكتٸڭ كوروناۆيرۋس تۋرالى مەلٸمەتٸنە كٷمەنمەن قارايدى.
راحمون سەيسەنبٸ كٷنٸ پارلامەنتكە جولداۋىندا 1 قاڭتاردان بەرٸ ەلدە كوروناۆيرۋس جۇقتىرعان بٸردە-بٸر ناۋقاس تٸركەلمەگەنٸن اتاپ ٶتكەن. الايدا بۇل "تۇرعىندار سانيتارييا-گيگيەنا ەرەجەلەرٸن ساقتاماسا بولادى" دەگەندٸ بٸلدٸرمەيدٸ دەپ ەسكەرتكەن. ول شەتەلدەن كەلگەندەردٸ كارانتينگە جٸبەرۋ قاجەتتٸگٸن ايتقان.
ازاتتىقتىڭ تەجٸك قىزمەتٸنٸڭ حابارلاۋىنشا, ەلدە 10 قاڭتاردان بەرٸ رەسمي تٷردە كوروناۆيرۋس جۇقتىرعان ناۋقاس تٸركەلمەگەن. دەنساۋلىق ساقتاۋ مينيسترلٸگٸنٸڭ مەلٸمەتٸنشە, كوروناۆيرۋس ٸندەتٸ كەزٸندە ەلدە 13 308 ادامعا كوروناۆيرۋس جۇققان, 90 ادام قايتىس بولعان.
الايدا ساراپشىلار رەسمي ستاتيستيكاعا كٷمەنمەن قارايدى. ولار ەلدە كوروناۆيرۋس جۇقتىرعاندار سانى رەسمي مەلٸمەتتەن ەلدەقايدا كٶپ دەپ سانايدى.
تەجٸكستاندا العاش رەت كوروناۆيرۋس بىلتىر 30 سەۋٸردە انىقتالعان. 2 مامىردا بٸرٸنشٸ ادام ٶلٸمٸ تٸركەلدٸ. بۇدان سوڭ ەلدە بٸرقاتار شەكتەۋ شارالارى كٷشٸنە ەنگەن. ازاتتىقتىڭ تەجٸك قىزمەتٸ ورتالىق ازييادا ۆيرۋس كٷشەيٸپ تۇرعان شاقتا بيلٸكتٸڭ قوعامدىق كٶلٸك پەن بازارلاردا سانيتارلىق تالاپتاردىڭ جيٸ ساقتالمايتىنىنا نازار اۋدارمايتىنىن جازادى.
