قر دسم باسشىسى ەلجان بٸرتانوۆ قازا بولعان دەرٸگەردٸڭ وتباسىنا قايعىرىپ كٶڭٸل ايتتى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«قازاقستان مەديتسيناسى اۋىر قازاعا ۇشىرادى. قىزمەت اتقارۋ ٷستٸندە ەكٸ دەرٸگەرٸمٸز كٶز جۇمدى. كەسٸبي بٸلٸكتٸ دەرٸگەرلەر - گينەكولوگييا مەن اكۋشەرلٸك ٸستە 20 جىلدىق تەجٸريبەسٸ بار مەديتسينا عىلىمدارىنىڭ دوكتورى پاتساەۆ تالعات ەناپيۇلى مەن رەانيماتسييا سالاسىندا 30 جىلدىق تەجٸريبەسٸ بار, پروفەسسور, مەديتسينا عىلىمدارىنىڭ دوكتورى جەنٸبەك ارتىقباەۆ ٶز ٸسٸنٸڭ حاس مامانى بولاتىن. ولار بوسانعاننان كەيٸن اۋىر جاعدايدا جاتقان ەيەلدٸ قۇتقارۋ جولىندا ٶز ٶمٸرلەرٸن قيدى.
جاقىندا عانا بارشا ەلەم حالىقارالىق دەرٸگەرلەر كٷنٸن اتاپ ٶتكەن بولاتىن. ددۇ, «شەكاراسىز دەرٸگەر» ۇيىمىنىڭ باستاماسىمەن اتاپ ٶتٸلەتٸن مەرەكە ادام دەنساۋلىعىن ساقتاۋدا دەرٸگەرلەردٸڭ ٶلشەۋسٸز رٶلٸن كٶرسەتۋگە باعىتتالعان.
كٷندەلٸكتٸ بٸزدٸڭ دەرٸگەرلەر قالادا يا اۋىلدا, كٷندٸز-تٷنٸ ادام ٶمٸرٸن اراشالاپ قالۋ جولىندا تىنباي ەڭبەك ەتٸپ كەلەدٸ.
ٶزگەنٸڭ ٶمٸرٸن ساقتايمىن دەپ ٶزدەرٸ كٶز جۇمعان دەرٸگەرلەرٸمٸزدٸڭ الدىندا باسىمدى يەمٸن.
بۇل بٸز ٷشٸن ورنى تولماس قايعىلى جاعداي.
بارلىق مەديتسينا ماماندارىنىڭ اتىنان قازا بولعان دەرٸگەرلەردٸڭ وتباسىنا, ەكيپاج مٷشەلەرٸنٸڭ وتباسىنا قايعىرىپ كٶڭٸل ايتامىن. مەنٸڭشە, ولار ەرلٸك جاسادى», - دەدٸ مينيستر فەيسبۋكتەگٸ پاراقشاسىندا.
ايتا كەتەيٸك, كٷنٸ كەشە عانا الماتىدان əۋەگە كٶتەرٸلگەن شاعىن اۆياتسييا ۇشاعى اپاتقا ۇشىراعان ەدٸ. الماتى وبلىسى اۋماعىنان تابىلعان ەۋە كەمەسٸنٸڭ بورتىندا ەكٸ ۇشقىش پەن ٷش دەرٸگەر بولعان. ولاردىڭ مەيٸتٸ ۇشاق قۇلاعان جەردەن تابىلدى.
دەرٸگەرلەر وقو-داعى جاس بوسانعان, اۋىر جاعدايداعى ەيەلدٸ قاراۋعا شۇعىل اتتانعان.
