قر دەنساۋلىق ساقتاۋ مينيسترٸ ەلجان بٸرتانوۆ باقىلاۋ كەڭەستەرٸن قۇرۋ مەسەلەسٸن كٶتەردٸ, دەپ حابارلايدى قازاقپارات.
ونىڭ ايتۋىنشا, باقىلاۋ كەڭەستەرٸن قۇرۋ تٸزٸمٸندە ماڭعىستاۋ وبلىسى مەن شىمكەنت كٶشتٸڭ سوڭىندا قالعان.
«100 ناقتى قادام - ۇلت جوسپارى» اياسىندا ەلباسىنىڭ كورپوراتيۆتٸ باسقارۋدى ەنگٸزۋ تاپسىرماسى بار. بۇل 2015 جىلى بولدى. ٶتكەن جىلى وسى باقىلاۋ كەڭەستەرٸن قۇرۋ تۋرالى مەنٸڭ بۇيرىعىم شىقتى. ەكٸمدٸك (ماڭعىستاۋ وبلىسى - رەد.) بۇيرىقتى ەلەمەي وتىر. بۇل - ٷلكەن جٷيەلٸ مەسەلە. اشىقتىق جوق جەردە, قوعام وقيعادان حابارسىز جەردە دەرٸگەرلەرمەن, قۇرال-جابدىقتارمەن تٷرلٸ مەسەلەلەر بولادى. مەن سٸزدەرگە بٸر اي ۋاقىت بەرەمٸن. بٸر ايدا قوعام مەن بيزنەس الدىندا ەسەپ بەرەسٸزدەر. مۇنى ٶزٸم قاداعالايمىن!, - دەدٸ ەلجان بٸرتانوۆ قر دەنساۋلىق مينيسترلٸگٸ القاسىنىڭ وتىرىسىندا.
ايتا كەتەيٸك, ەلوردادا 2019 جىلدىڭ جارتىجىلدىعىنا ارنالعان قر دەنساۋلىق ساقتاۋ مينيسترلٸگٸ القاسىنىڭ وتىرىسى ٶتٸپ جاتىر. وتىرىستا 2016-2019 جىلدارى دەنساۋلىق ساقتاۋدى دامىتۋعا ارنالعان «دەنساۋلىق» مەملەكەتتٸك باعدارلاماسى, 2019-2020 جىلدارعا ارنالعان باستاپقى مەديتسينالىق-سانيتارلىق كٶمەكتٸ دامىتۋ شارالارىنىڭ جوسپارى, 2019 جىلعا ارنالعان قر انا ٶلٸمٸن ازايتۋ بويىنشا جەدەل جوسپار, 2019-2021 جىلداردى قامتيتىن بالالار ٶلٸمٸن ازايتۋ بويىنشا شارالار جوسپارى, كادرلىق قامتاماسىز ەتۋ جەنە دەنساۋلىق ساقتاۋ سالاسىنىڭ قىزمەتكەرلەرٸن ەلەۋمەتتٸك قولداۋ, دەنساۋلىق ساقتاۋ سالاسىنا ينۆەستيتسييالار تارتۋ مەسەلەسٸ قارالادى.
