ەلوردانىڭ ٷش اۋدانىندا قۇرباندىق شالاتىن ورىندار بەكٸتٸلدٸ, دەپ حابارلايدى قازاقپارات.
«قازٸرگٸ تاڭدا قالا ەكٸمدٸگٸ قۇرباندىق شالۋعا بولاتىن 7 ورىندى بەكٸتتٸ. ياعني, ولاردىڭ بەرٸ دە تيٸستٸ تالاپتارعا ساي ورىندار. وسى 7 نٷكتەدە قالا بويىنشا قۇرباندىق شالۋ رەسٸمدەرٸ ٶتەدٸ», - دەدٸ نۇر-سۇلتان قالالىق قوعامدىق دامۋ ٸستەرٸ باسقارماسىنىڭ بٶلٸم باسشىسى ەدٸلەت تٶلەۋتاەۆ ەلوردا ەكٸمدٸگٸنٸڭ باسپاسٶز ورتالىعىندا.
ونىڭ ايتۋىنا قاراعاندا, قۇرباندىق شالۋدىڭ بەكٸتٸلگەن ەرەجەلەرٸن ەسكەرە وتىرىپ, 5 تامىزدان باستاپ ەزٸرەت سۇلتان مەشٸتٸندە قاساپشىلارعا ارنالعان وقىتۋ سەمينارلارى ٶتكٸزٸلۋدە. يمامدار شاريعات زاڭى بويىنشا, ال تيٸستٸ ماماندار سانيتارلىق نورمالار بويىنشا قاساپشىلاردى وقىتىپ جاتىر. ترەنينگ 11 تامىزعا دەيٸن جالعاسادى.
«وسى ۋاقىتقا دەيٸن مال سوياتىن 7 ورىنعا تەكسەرۋ جۇمىستارى جٷرگٸزٸلدٸ. سانيتارلىق نورمالار مەن قاۋٸپسٸزدٸك ەرەجەلەرٸنە ساي كەلۋٸنە تەكسەرٸس ٶتكٸزٸلٸپ, ولاردىڭ مال سويۋعا دايىن ەكەنٸ بەلگٸلٸ بولىپ وتىر. مەرەكە قارساڭىندا ەلەۋمەتتٸك جاعدايى تٶمەن وتباسىلارعا مال ەتٸن تاراتۋ جۇمىستارى جٷرگٸزٸلەدٸ. كٶمەككە مۇقتاج ادامداردىڭ تٸزٸمٸ جاسالۋدا. 11 تامىز كٷنٸ كٶمەككە مۇقتاج وتباسىلارعا قۇرباندىققا شالىناتىن مال ەتٸ كٷيٸندە كٶمەك كٶرسەتٸلەدٸ», - دەدٸ ەدٸلەت تٶلەۋتاەۆ.
باسقارما ٶكٸلٸ ٶز سٶزٸندە قالا بويىنشا مال باعاسىنىڭ نەگٸزسٸز كٶتەرٸلۋٸنە جول بەرٸلمەيتٸنٸن ايتادى. بۇل رەتتە ەكٸمدٸك تاراپىنان قاتاڭ باقىلاۋ قولعا الىنباق. وسى ماقساتتا مال بازارى باسشىلىقتارى تٷسٸندٸرۋ جۇمىستارىن جٷرگٸزدٸ. بەكٸتٸلمەگەن ورىنداردا دا مالدىڭ سويىلماۋىنا ەرەكشە ماڭىز بەرٸلەدٸ.
نۇر-سۇلتانداعى نەگٸزگٸ قۇرباندىق شالۋ ورىندارى:
الماتى اۋدانى
«مەترو» ساۋدا ورتالىعى, استانا-قاراعاندى تاس جولى.
بايقوڭىر اۋدانى
«نۇربەرەكە-555» جشس, الاش تاسجولى 30, رۋبيكوم بازارى مەن ەمٸرە ساۋدا ٷيٸنٸڭ ورتاسى;
«شاۋشەن» شارۋا قوجالىعى, استانا-پاۆلودار تاسجولىنىڭ 9-شى شاقىرىمى;
«تەمەش» شارۋا قوجالىعى, استانا-سوفيەۆكا تاسجولىنىڭ 7-شاقىرىمى;
ەسجانوۆ جەكە كەسٸبٸ, «جايلاۋ», الاش تاسجولى, تس 313 كٶشەسٸ;
سارىارقا اۋدانى
«ۇلجان» ەمبەباپ بازارى (بۇرىنعى سايانۇر).
ەسٸل اۋدانى
«التىن-تاعا» بازارى قوسشى اۋىلىنىڭ الدى.
ايتا كەتسەك, ورازا ايت مەيرامىنان 70 كٷن ٶتكەننەن كەيٸن باستالاتىن قۇرباي ايت تا جاقىنداپ كەلەدٸ. وسىعان وراي, قازاقستان مۇسىلماندارى دٸني باسقارماسى قۇرباندىق شالۋ بارىسىندا ورىندالۋى تيٸس تالاپتاردى اتاعان بولاتىن. بيىل مەرەكەنٸڭ العاشقى كٷنٸ 11 تامىزعا سەيكەس كەلەدٸ.
