ەلورداداعى جارىقسىز قالعان بٸرقاتار ەكٸمشٸلٸك عيماراتتار مەن تۇرعىن ٷيلەرگە ەلەكتر قۋاتى بەرٸلدٸ, دەپ حابارلايدى "ۇلت اقپارات" قالا ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«ەكٸمشٸلٸك جەنە تۇرعىن عيماراتتارعا ەلەكتر جارىعى بەرٸلدٸ. 9 كٶپپەتەرلٸ تۇرعىن ٷي كەشەنٸ, سونداي-اق اقوردا, پارلامەنت سەناتى, مەجٸلٸس, مينيسترلٸكتەر ٷيٸ, ٷكٸمەت ٷيٸ, جوعارعى سوت ەلەكترمەن جابدىقتالدى. سونىمەن قاتار, 9 كٶپپەتەرلٸ تۇرعىن ٷي جارىقپەن قامتىلدى, ولار - «ۋيۋت», «كراۋن پلازا», «تۇمار» (2 ٷي), «ارت حاۋس», «ۆيۆا پلازا», «الاتاۋ», «نا ۆودنوم زەلەنوم بۋلۆارە». «بەيتەرەك» مونۋمەنتٸن, «يزۋمرۋدنىي كۆارتال» بيزنەس ورتالىعىن, «كەرۋەن», ۇلتتىق كٸتاپحانا مەن ۇلتتىق مۇراعات عيماراتتارىن جارىققا قوسۋ بويىنشا جۇمىس جٷرٸپ جاتىر» دەلٸنگەن حابارلامادا.
كەبٸلدٸك جەلٸلەردٸ 15 ادامنان تۇراتىن بريگاداس مەن 6 ارنايى تەحنيكا قالپىنا كەلتٸردٸ. عيماراتتاردى ەلەكترمەن جابدىقتاۋ ٶرت سٶندٸرۋ بريگادالارىنا رۇقسات بەرۋ كەزٸندە ەلەكتر توعىمەن زاقىمدانۋدان قاۋٸپسٸزدٸك ماقساتىندا اجىراتىلدى.
اۆارييالىق-قالپىنا كەلتٸرۋ جۇمىستارىن جٷرگٸزۋ ورنىنا ەلوردا ەكٸمٸ التاي كٶلگٸنوۆ شىقتى. قالا ەكٸمٸ اپات سەبەبٸن انىقتاۋدى تاپسىردى.
«ەلەكتر جەلٸلەرٸن قالپىنا كەلتٸرگەن ارەك قىزمەتكەرلەرٸنە العىس ايتامىن», - دەپ جازدى شاھار باسشىسى Instاgram پاراقشاسىندا.
ەسكە سالا كەتەيٸك, كەشە ەلورداداعى «لەۆوبەرەجنايا» 110/10 كۆ شاعىن ستانتسيياسىنىڭ 10 كۆ كابەل كانالىندا ٶرت شىعىپ, كابەل جەلٸسٸ زاقىمداندى. سالدارىنان سول جاعالاۋداعى كەيبٸر تۇرعىن ٷيلەر مەن عيماراتتار جارىقسىز قالعان ەدٸ.
