بٷگٸن قالالىق پسيحيكالىق دەنساۋلىق ورتالىعىنىڭ (قپدو) بازاسىندا ورنالاسقان ينفەكتسييالىق ستاتسيوناردان كوروناۆيرۋس ينفەكتسيياسى دياگنوزى قويىلعان سوڭعى ناۋقاس ەمدەلٸپ شىقتى, دەپ حابارلايدى ەلوردا ەكٸمدٸگٸنٸڭ رەسمي سايتى.
15 ماۋسىمنان باستاپ بۇل ورتالىق COVID-19 بار ناۋقاستارعا ارنالعان جۇقپالى اۋرۋلار ستاتسيونارى بولىپ ٶزگەرتٸلدٸ. بٸر جارىم اي ٸشٸندە مۇندا 1044 ناۋقاس ەمدەلدٸ.
«بٷگٸن سوڭعى پاتسيەنت ەمدەلٸپ شىقتى. بەرٸمٸز تەۋلٸك بويى جۇمىس ٸستەدٸك. اتاپ ايتقاندا, پروۆيزور مەليسسا سامەەۆا بەرٸن دەرٸ-دەرمەكتەرمەن قامتاماسىز ەتتٸ, مەنٸڭ ورىنباسارىم لاريسا گوم, باس مەدبيكە گٷلنار التىنبەكوۆا الدىڭعى قاتاردا جۇمىس ٸستەدٸ. تٶسەك-ورىنداردى قايتا بەيٸمدەۋ, رەانيماتسييانى ورنالاستىرۋ العاشىندا قيىندىق تۋدىرسا دا, بٸز ونىڭ بەرٸن ەڭسەردٸك. بٸزدە ايناگٷل جامبۋرچينوۆا, سالتانات مۋسينا سەكٸلدٸ بٸلٸكتٸ دەرٸگەرلەر جۇمىس ٸستەدٸ. ٶز كومانداما جوعارى بٸلٸكتٸلٸك تانىتقانى ٷشٸن العىس بٸلدٸرگٸم كەلەدٸ. بٸز قولدان كەلگەننٸڭ بەرٸن جاسادىق» – دەيدٸ قالالىق پسيحيكالىق دەنساۋلىق ورتالىعى ديرەكتورىنىڭ مٸندەتٸن اتقارۋشى ولگا كوماروۆا.
58 جاستاعى ۋەليحان ەمحاناداعى COVID-19-دى جەڭگەن ەڭ سوڭعى ناۋقاس.
«ورتالىق قىزمەتكەرلەرٸنە العىس بٸلدٸرگٸم كەلەدٸ. مۇندا 14 شٸلدەدە تٷسٸپ, بٷگٸن ەمدەلٸپ شىققالى جاتىرمىن. ەمنٸڭ بارلىق كەزەڭٸندە ورتالىق قىزمەتكەرلەرٸ ٷلكەن قامقورلىق كٶرسەتتٸ. دەرٸ-دەرمەكتەر مەن قاجەتتٸنٸڭ بەرٸمەن قامتاماسىز ەتتٸ. دەرٸلەر تيٸمدٸلٸك كٶرسەتٸپ, العاشقى كٷندەردەن-اق نەتيجە بەردٸ. جاعدايىم تەك جاقسارا تٷستٸ. تاماعى دا ٶتە جاقسى. بارلىعىنا, مەدبيكەلەرگە, دەرٸگەرلەرگە, ۇجىمنىڭ بارلىعىنا كٶپ راحمەت», – دەيدٸ ول.
27 شٸلدەدەگٸ جاعداي بويىنشا, نۇر-سۇلتاندا كوروناۆيرۋس جۇقتىرعان 10 070 ناۋقاس تٸركەلدٸ. ولاردىڭ 6 766-سى ەمدەلٸپ شىقتى.
ولگا كوماروۆانىڭ ايتۋىنشا, دەزينفەكتسييادان كەيٸن پسيحيكالىق دەنساۋلىق ورتالىعى جاقىندا ٶزٸنٸڭ بۇرىنعى پروفيلٸنە سەيكەس جۇمىسىن قايتا باستايدى.
