بٷگٸندە حالىقارالىق رەيستەرمەن ەلورداعا كەلگەن 150 جولاۋشى «رامادا پلازا» قوناق ٷيٸندەگٸ كارانتين ستاتسيونارىنا وقشاۋلاۋعا الىندى, دەپ حابارلايدى "ۇلت اقپارات".
قالا ەكٸمدٸگٸنٸڭ مەلٸمەتٸنشە, قازاننىڭ 5-ٸنەن 6-سىنا قاراعان تٷندە ەلورداعا شەتەلدەن 4 رەيس, اتاپ ايتقاندا 2 ۇشاق بٸرٸككەن اراب ەمٸرلٸگٸنەن, 2 ۇشاق تٷركييا رەسپۋبليكاسىنان كەلٸپ قوندى. بارلىعى 483 ادام شەتەلدەن ۇشىپ كەلدٸ. ونىڭ 333-ٸندە COVID-19 تەستٸنەن ٶتكەنٸ تۋرالى انىقتاماسى بولدى. 20 جولاۋشىنىڭ تەرٸس نەتيجە كٶرسەتكەن سمس حابارلاماسى كەيٸن كەلدٸ. قالعان 150 ادام ەۋەجايدان اۋرۋحاناعا جەتكٸزٸلٸپ, پتر ارقىلى زەرتحانالىق زەرتتەۋلەردەن ٶتتٸ, دەنساۋلىق جاعدايلارى قاناعاتتانارلىق.
«مۇنداي شارالار بٸرٸنشٸ رەت ٶتكٸزٸلٸپ وتىرعان جوق. كٶكتەمدە بٸز شەتەلدەن كەلەتٸن جولاۋشىلاردى كارانتين ستاتسيونارلارىنا ورنالاستىرىپ, ساراپتاما جٷرگٸزدٸك. سوندىقتان, بۇل باعىتتا ەلوردانىڭ دەنساۋلىق ساقتاۋ سالاسى تولىق دايىن. جالپى, حالىقارالىق رەيستەر جولاۋشىلارىنا 800 تٶسەك-ورىن ۇيىمداستىرۋعا دايىنبىز», – دەيدٸ دەنساۋلىق ساقتاۋ باسقارماسى باسشىسىنىڭ ورىنباسارى ەلييا رٷستەموۆا.
قازاقستان رەسپۋبليكاسى باس مەملەكەتتٸك سانيتارلىق دەرٸگەرٸنٸڭ 2020 جىلعى 5 قازانداعى قاۋلىسىنا سەيكەس, دەنە تەمپەراتۋراسى جوعارى ادامدار, انىقتامانىڭ بولۋىنا قاراماستان, ينفەكتسييالىق ستاتسيوناردا وقشاۋلاۋعا جاتادى.
COVID-19 زەرتحانالىق زەرتتەۋلەرٸنٸڭ نەتيجەلەرٸن العاننان كەيٸن وڭ نەتيجەسٸ بار ادامدار جۇقپالى اۋرۋلار اۋرۋحاناسىنا اۋىستىرىلادى, تەرٸس نەتيجەسٸ بارلارعا COVID-19 بەلگٸلەرٸ تۋرالى تٷسٸندٸرمە جٷرگٸزٸلٸپ, ٷيگە جٸبەرٸلەدٸ.
