ەلوردالىق قالالىق ورتا ساپاسى جەنە باقىلاۋ باسقارماسى باسشىسىنىڭ ورىنباسارى دەۋلەت دوسقۇلوۆ «وربيتا» تۇرعىن ٷي كەشەنٸندە تۇرۋ قانشالىقتى قاۋٸپسٸز ەكەنٸن ايتىپ بەردٸ, دەپ حابارلايدى قازاقپارات.
«جالپى العاندا بۇل نىساندا تۇرۋعا بولادى. ادامدار 6 جىلدان بەرٸ تۇرىپ جاتىر. ولاردى ەۆاكۋاتسييالاۋدىڭ قاجەتٸ جوق. ونداعى ەڭ قاۋٸپتٸ نەرسە – ٷيدٸڭ قاسبەتٸ. كەراموگرانيتتەن جاسالعان پليتالار جەلدەن ۇشىپ, قۇلاۋى مٷمكٸن. سوندىقتان, تەحنيكالىق تەكسەرۋ جۇمىستارىن تەزدەتٸپ, قاسبەتٸن اۋىستىرۋدى كٶزدەپ وتىرمىز. تۇرعىن ٷي بارلىق كوممۋنالدىق قىزمەتتەرگە جالعانعان, جىلۋ, جارىق, كەرٸز, سۋ – بارلىعى جۇمىس ٸستەپ تۇر», - دەدٸ د. دوسقۇلوۆ قالالىق ەكٸمدٸكتە بەرگەن سۇحباتىندا.
سونىمەن بٸرگە, «وربيتا» تك قوس مۇناراسىنان 4 جەنە 6 قابات بٶلٸگٸن الىپ تاستاۋ تۋرالى سوت شەشٸمٸ شىققان.
«سوت شەشٸمٸن بٸز ورىندامايمىز, بۇل – سوت ورىنداۋشىلارىنىڭ مٸندەتٸ. ٷي ەشكٸمنٸڭ مەنشٸگٸندە جوق. تۇرعىنداردى زاڭسىز ورنالاستىرعانى ٷشٸن ٷي سالۋشىلارعا ەكٸمشٸلٸك شارالار قولدانىلعان. تٸپتٸ قىلمىستىق ٸس قوزعالىپ, ۇيىم باسشىلارى اباقتىعا قامالدى», - دەدٸ دەۋلەت دوسقۇلوۆ.
ەسكە سالا كەتسەك, «وربيتا» تۇرعىن ٷي كەشەنٸ پەتەرلەردٸڭ بٸرٸندە بالكون ورنىنان «جىلجىپ» كەتٸپ, ەدەن دٸرٸلدەگەن. قالالىق ەكٸمدٸكتٸڭ حابارلاۋىنشا, ولار پروبلەمالى تۇرعىن ٷي تۋرالى بٸلەدٸ. قازٸرگٸ ۋاقىتتا ول جاقتا تەحنيكالىق تەكسەرۋ جٷرگٸزٸلٸپ جاتىر, ودان كەيٸن ٷيدٸڭ اپاتتىق دەڭگەيٸ انىقتالادى.
ەكٸمدٸكتٸڭ حابارلاۋىنشا, ٷي پايدالانۋعا بەرٸلمەسە دە, ٷي سالۋشىلار 6 جىل بۇرىن تۇرعىنداردى زاڭسىز ورنالاستىرعان. ونداعى ەڭ قاۋٸپتٸ نەرسە – ٷيدٸڭ قاسبەتٸ جەنە تۇرعىنداردى ەۆاكۋاتسييالاۋدىڭ قاجەتٸ جوق.
