ەلوردادا كٶرنەكتٸ مەملەكەتتٸك جەنە قوعام قايراتكەرٸ جۇمابەك تەشەنوۆكە ەسكەرتكٸش ورناتىلادى. بۇل تۋرالى پارلامەنت مەجٸلٸسٸنٸڭ دەپۋتاتى كەرٸباي مۇسىرمان مەلٸم ەتتٸ, دەپ حابارلايدى قازاقپارات.
ەسكەرتكٸش جۇمابەك تەشەنوۆ كٶشەسٸنٸڭ بويىندا ورناتىلاتىنى جوسپارلانعان.
«بۇل - پەتروپاۆل قالاسىندا تۇراتىن سولتٷستٸك قازاقستان وبلىسىنىڭ قۇرمەتتٸ ازاماتتارى جاقسىلىق ىسقاقوۆ, بولات ساعىندىقوۆ, زەينوللا ولجاباەۆ, تاڭات سٷگٸرباەۆ, امانگەلدٸ كەنجەعوزينوۆ, احمەتجان قۋانتاەۆ, جانگەلدٸ تەجين جەنە ساعىندىق سالمۇرزين سىندى بەلسەندٸ اعالارىمىزدىڭ باستاماسى. سول كٸسٸلەر پرەزيدەنت سايلاۋى قارساڭىندا «Nur Otan» پارتيياسىنان ۇسىنىلعان كانديدات قاسىم-جومارت توقاەۆتىڭ وبلىستىق قوعامدىق قابىلداۋ بٶلمەسٸ ارقىلى پارلامەنت مەجٸلٸسٸنٸڭ دەپۋتاتى رەتٸندە ماعان حات جولداپ, استانامىز نۇر-سۇلتان قالاسىندا كٶرنەكتٸ مەملەكەت جەنە قوعام قايراتكەرٸ جۇمابەك تەشەنوۆكە ەسكەرتكٸش ورناتۋعا كٶمەكتەسۋٸمدٸ سۇراعان ەدٸ», - دەيدٸ كەرٸباي مۇسىرمان.
ونىڭ ايتۋىنشا, وسى جٶنٸندە نۇر-سۇلتان قالاسىنىڭ بۇرىنعى ەكٸمٸ باقىت سۇلتانوۆقا حات جولدانعان.
«حالقىمىز ايرىقشا ارداق تۇتاتىن تاريحي تۇلعانىڭ دٷنيەگە كەلگەنٸنە كەلەسٸ جىلى 105 جىل تولاتىنىن ەسكەرە وتىرىپ, وعان استانادا لايىقتى ەسكەرتكٸش ورناتۋ مەسەلەسٸن قاراۋىن ٶتٸنگەن بولاتىنمىن. بٷگٸن نۇر-سۇلتان ەكٸمٸنٸڭ ورىنباسارى ەرلان كاناليموۆ قول قويعان رەسمي جاۋاپتى الىپ, قۋانىپ وتىرمىن. قالا ەكٸمدٸگٸ جۇمابەك تەشەنوۆكە ەسكەرتكٸش ورناتۋ ٷشٸن جەر تەلٸمٸ جەنە قارجى كٶزٸ قاراستىرىلىپ جاتقاندىعىن حابارلادى. ەسكەرتكٸش ەلورداداعى جۇمابەك تەشەنوۆ كٶشەسٸنٸڭ بويىندا ورناتىلماق. ال پەتروپاۆل قالاسىندا قازاق جەرٸنٸڭ تۇتاستىعىن ساقتاپ قالۋ ٷشٸن باسىن بەيگەگە تٸككەن قاھارمان ەرگە ەسكەرتكٸش وسىدان بٸرنەشە جىل بۇرىن ورناتىلعان بولاتىن», - دەدٸ مەجٸلٸسمەن.
كەرٸباي مۇسىرماننىڭ ايتۋىنا قاراعاندا, ەسكەرتكٸش ورناتۋ مەسەلەسٸ قالا دەڭگەيٸندە شەشٸلٸپ تۇر.
«بۇل شارۋانىڭ ساياسي ماڭىزى جوعارى. ەلوردادا جۇمابەك تەشەنوۆكە لايىقتى ەسكەرتكٸش ورناتۋ كەرەك. ول - باۋىرجان مومىشۇلى سيياقتى جاستارعا رۋح بەرەتٸن ٷلكەن تۇلعالاردىڭ بٸرٸ», - دەيدٸ كەرٸباي مۇسىرمان.
